Нафтата ги врати дел од загубите по неделниот пад бидејќи стравувањата од економско забавување и натаму ја оптоваруваат побарувачката.
„West Texas Intermediate“ денеска се тргува за над 86 долари за барел откако само во петокот падна за околу 4 проценти, а загубите на неделно ниво достигнаа 8 проценти. Поточно, утрово „WTI“ за испорака во ноември се тргува за 86,41 долари за барел, што претставува раст од 0,9 отсто, додека „Brent“ нафтата со испорака во декември доби 1 процент на својата вредност и се тргува за 92,55 долари за барел.
„Ова може нема да потрае долго бидејќи нема јасни причини за раст. Би можело само да се работи за лов на поволни цени по брзиот пад во петокот“, рече Вандара Хари, основачка на „Vanda Insights“.
Bloomberg Mercury
Во говорот на вчерашното отварање на 20-тиот Конгрес на Комунистичката партија, кинескиот претседател Си Џинпинг сигнализираше дека нема промени во насока на строгата економска политика за нулта Ковид, стратегија која што годинава ја загрози кинеската економија.
Економското забавување во Кина придонесе за низа мечкини ефекти што влијаат на пазарот на нафта, вклучувајќи ја агресивна монетарна политика на централните банки, со цел да ги скротат инфлацијата и силниот долар. Тоа го фрли во сенка намалувањето на производните количини од страна на Организацијата на земји извознички на нафта и нивните сојузнички (ОПЕК+), што стапува на сила од 1 ноември. Меѓународната агенција за енергија минатата недела предупреди дека ограничувањето на производството може да ја доведе светската економија во рецесија, додека САД го критикуваа кратењето на производството и испораките на нафта. Советникот од Белата куќа за национална безбедност, Џејк Саливан, рече дека опцијата за повторно проценување на американско-саудиските односи вклучува и „промени во пристапот за безбедносна помош“. Администрацијата на американскиот претседател Џо Бајден претходно побара повеќе нафта од производителите додека се борат со инфлацијата поттикната од енергетската криза.
Во меѓувреме, американските Федерални резерви (ФЕД) ја отворија можноста за зголемување на каматните стапки за уште 75 базични бодови на секој од следните два состаноци на банкарите.
На пазарот на дизелот блескаат знаци на хаос. Штрајковите на работниците поради плата во француските рафинерии за нафта ги намалуваат испораките во регионот, додека САД ги бележи историски најниските нивоа на залихи. Прекин на штрајкот може да ја ублажи загриженоста за дополнително затегање на пазарот.
.webp){kind=icon}
Во моментов нема коментари за веста. Биди прв да коментира...