.webp){kind=icon}
Цената на нафтата порасна од најниското ниво во последните две недели поради загриженоста дека најновите санкции од Европската Унија (ЕУ) за руското гориво може да ја влошат состојбата на пазарот, која што САД се обидува да ја ублажи со дополнителни количини нафта за продажба.
„West Texas Intermediate“ вчера пораснаа за дури 1,6 отсто. Фјучерсите паднаа за 7 проценти во претходните три сесии тргување поради обидите на САД да ги намалат цените.
Утрово „WTI“ за испорака во ноември порасна за 0,8 отсто и сега се продава по цена од 83,47 долари за барел. „Brent“ нафтата со испорака во декември утрово порасна за 0,2 отсто, на 90,21 долари за барел.
Прочитај повеќе
Белата куќа неделава ќе објави план за испуштање на нафтени резерви
Се работи за последната транша од програмата од 180 милиони барели.
18.10.2022
Неговото височество долар: Еден тон нафта е двојно поскап од лани
Силниот долар има влијание само цените на горивата затоа што увозот на нафта е во долари
10.10.2022
Потезите на ЕУ во врска со руската нафта може да предизвикаат шокови на светскиот пазар и веќе се случи некои индиски рафинерии да го откажат купувањето на лице место уште пред најновите санкции да стапат на сила на почетокот од декември.
Американските власти планираат да ослободат 15 милиони барели од итните државни резерви, а може да се одлучат и за значајно поголеми количини во текот на зимава. Тоа е последната транша на нафта од програмата што Белата куќа ја започна уште пролетта, со цел на пазарот да пушти вкупно 180 милиони барели сурова нафта. Паралелно настојуваат и да ги обноват своите залихи за итни случаи со купување кога цената на „WTI“ ќе биде под или на ниво меѓу 67 и 72 долари за барел.
Bloomberg Mercury
Цената на суровата нафта овој месец малку заздраве откако минатиот месец загуби повеќе од 20 проценти од вредноста бидејќи Организацијата на земји извознички на нафта и нивни сојузници (ОПЕК+) донесоа одлука за најголемото кратење на производството од 2020 година од 2 милиони барели на дневно ниво. ОПЕК+ го брани својот потег велејќи дека е оправдан од растечкиот ризик од глобална рецесија, додека побарувачката за нафта во Кина уште е во неизвесност поради прекинот или ограничувањата на работата заради вирусот и нивната нулта Ковид политика, што ја зголемува загриженоста од забавување на светската економија.
„Санкциите од ЕУ ќе наштетат на испораките, а исто така мора да се разгледа и каква одмазда може да следува од страна на Русија, што може да биде и од светски рамки, а тоа се два факти кои што влијаат на цената“, рече Стефан Инес, директор и косопственик на компанијата „SPI Asset Management“.
Осмиот пакет санкции на ЕУ кон Русија може на крајот да влијаат и на танкерите и испораката. Се наведува дека ако сопственикот на бродот превезува руска сурова нафта по цена над определениот максимум, за неговиот брод ќе се забранат услуги од ЕУ кои се потребни за обезбедување на стоките, на пример за осигурување.
Покрај загриженоста за испораките, уште една причина за грижа е повторното одложување на воспоставувањето максимално производство на нафта од полето Касхаган во Казахстан. Таму операторот продолжува да работи на пронаоѓање решение за истекувањето гас, велат извори запознаени со состојбата. Инаку, Казахстан е најголемиот производител на нафта во централна Азија, што го прави една од главните алтернативи за руската сурова нафта за европските купувачи.
