text size
Цената на природниот гас во Европа падна на 100 евра за мегават-час за првпат од јуни, бидејќи топлото време, големите залихи и чекорите на ЕУ за ограничување на кризата ги намалија стравувањата од зимски недостиг.
Фјучерсите на гасот паднаа за цели 12 отсто и се за околу 70 отсто пониски од августовскиот врв. Се очекува температурите над нормалата да се задржат ширум континентот до крајот на месецот, што ќе ја одложи грејната сезона и ќе овозможи полнење на складиштата. Високите нивоа на увоз на течен природен гас помогнаа резервите да бидат повисоки од вообичаеното.
Подобрените услови ублажуваат дел од притисокот врз европската економија. Сепак, цените на гасот и натаму се повеќе од трипати над петгодишниот просек за овој период од годината, а почетокот на студеното зимско време може повторно да ја разгори загриженоста.
Прочитај повеќе
Европа контролира само мали количини од гасот зачуван за зимата
Европа работеше напорно за да ги надополни резервите на гас за зимата, но вистината е дека владите немаат речиси никаква контрола врз тие резерви.
24.10.2022
ЕУ ги поддржува итните мерки за ограничување на цената на гасот
Извршната власт на ЕУ треба да предложи динамички коридор, со цел веднаш да се ограничат цените на гасот
21.10.2022
„Европа сега е на удобно место во однос на понудата“, вели Грахам Фридман, аналитичар во консултантската куќа Wood Mackenzie. „Ризиците од прекини на струја и рационализирање сега се намалуваат. Но, вистинскиот тест ќе биде кога времето ќе биде студено“, додава тој.
Холандските предмесечни фјучерси за гас, европскиот репер, беа за 11 отсто пониски на 101,51 евро за мегават-час во 9:08 часот во Амстердам. Минатата недела тие паднаа за 20 отсто.
Лидерите на Европската унија минатата недела се согласија да поддржат итни мерки. Тие поддржуваат ограничување на цената на гасот во производството на електрична енергија и сакаат да преземат чекори за да се избегнат екстремните скокови на цените.
Министрите за енергетика на Унијата ќе се состанат оваа недела за да ги средат деталите. Трговците ќе чекаат повеќе детали за планот на ЕУ, особено бидејќи ограничувањето на цената претходно беше недостижно, поради загриженоста дека тоа ќе ги поттикне продавачите на гас да бараат купувачи надвор од ЕУ.
Како што се олеснува ситуацијата со снабдувањето, Германија ќе биде во многу подобра позиција следната зима отколку оваа, бидејќи земјата добива повеќе течен природен гас (ЛНГ), објави весникот Handelsblatt, повикувајќи се на министерот за економија Роберт Хабек. Снабдувањето од повеќе места, вклучувајќи ги Норвешка и Холандија, се очекува да надомести околу една третина од изгубените количини од затворениот гасовод Северен тек 1 кој пренесуваше испораки од Русија.
.webp){kind=icon}
