Европските фјучерси за природен гас паднаа под 50 евра за првпат во последните 17 месеци, бидејќи се повлекува најтешката енергетска криза во регионот во последните децении.
Цените паднаа за повеќе од 80 отсто од својот врв во август, кога руските намалувања на снабдувањето ја погодија Европа со трошоци од околу билион долари, загрозувајќи ја економијата на регионот и туркајќи ја инфлацијата на највисоко ниво во последните децении. Сега континентот гледа остар пресврт, бидејќи релативно благите временски услови, напорите за намалување на потрошувачката на енергија и силните приливи на течен природен гас од САД и Катар ги спласнаа стравувањата.
Референтните фјучерси за месец претходно паднаа за дури 4,8 отсто, до 49,5 евра за мегават-час, на најниско дневно ниво од 1 септември 2021 година. Договорот досега годинава загуби околу 35 отсто, но сепак и натаму е двојно поголем од вообичаените нивоа за овој период од годината.
Реперот за гас во Европа падна за повеќе од 80 отсто од рекордот
Bloomberg Mercury
Цените сепак би можеле да пораснат доколку има продолжено студено време пред крајот на зимата или ако има прекини во снабдувањето. Конкуренцијата со Азија за ЛНГ сè уште може да создаде зголемен ризик.
Засега, високите нивоа на складирани резерви обезбедуваат тампон за Европа, знак на оптимизам дека регионот може да ги помине оваа и следната зима.
„Пазарот апсорбира делови од побарувачката што се појавуваат на пазарите на Далечниот Исток, исто како што Европа останува доста топла, ветровита и добро снабдена за да одговори на забавениот профил на побарувачката“, рече Тобијас Дејвис, шеф за ЛНГ за Азија во брокерската куќа „Тулет Пребон“ (Tullet Prebon).
Со оглед на тоа што најголемиот дел од вообичаените количества на руски гас сега го нема, се чини дека европските земји се приспособија со многу опции за замена.
Германското претпријатие „Унипер“ соопшти дека ќе ги надмине проблемите генерирани од намалувањата на рускиот гас најдоцна до 2024 година, но високите трошоци за замена на изгубените количества ќе останат проблем.
Европа ќе треба да ги наполни складиштата со многу помалку руски гас отколку минатото лето.
Фјучерсите на ЛНГ во Северозападна Европа паднаа на 15,25 долари за милион британски термални единици во четвртокот, што е најниско ниво од почетокот на тргувањето со договорот на ICE на 5 декември. „Тоа е исто така блиску до нивото на цените кога купувачите од Кина би можеле да се вратат на пазарот“, нагласува Тобијас Дејвис.
.webp){kind=icon}
