Русија ги зголемува испораките на нафта преку Пацификот

Една година по руската инвазија на Украина извозот на сурова нафта на Москва преку поморски пат се одржува близу до највисоките нивоа забележани откако нејзините војници ја преминаа границата, со рекордни количини товари на нејзините пристаништа во Пацификот.

Во текот на минатата недела испораките на земјата се зголемија на 3,63 милиони барели дневно од нејзините пристаништа, ниво што е надминато само четири пати од почетокот на 2022 година. Иако малку нестабилен, сепак порасна и четиринеделниот просек пред од среда да стапи во сила намалувањето на производството за 500.000 барели дневно како одговор на ембаргата од западот и ограничувањата на цените за руските нафтени товари. Но, постојаниот проток прикрива некои големи промени во регионалните пратки. Извозот од Црното Море нагло опадна, а бурите го затворија пристаништето Новоросијск во поголемиот дел од неделата. Протоците од арктичкиот терминал во Мурманск, исто така, беа намалени, но падовите беа повеќе од неутрализирани со она што веројатно ќе биде рекорден волумен на испораки од терминалите во Пацификот.

Рекордни 10 танкери беа натоварени во пристаништето Козмино во Тихиот Океан минатата недела. Пратките на сурова нафта од источните пристаништа на земјата се продаваат по цени за речиси 40 отсто повисоки од товарите што се извезуваат преку Балтикот, проценува група истражувачи. Количините сурова нафта на бродовите што се упатуваат кон Кина и Индија, плус помалите текови кон Турција и количествата на бродовите што сè уште не покажале крајна дестинација, се зголеми во периодот од четири недели на просечни 3,27 милиони барели дневно. највисока количина забележана откако „Блумберг“ почна да ги следи пратките на почетокот на 2022 година.

Како што стануваат очигледни крајните дестинации на товари кои се натоварени кон крајот на јануари, количините испратени кон Кина се искачија на нови највисоки нивоа по инвазијата. Историските обрасци сугерираат дека повеќето од товарите кои моментално се идентификувани како „Непозната Азија“ или „Други непознати пазари“ ќе завршат во Индија.

Bloomberg Mercury

 

Приливот во Кремљ од давачките за извоз на сурова нафта опадна од почетокот на годината. Олеснувањето на цените на суровата нафта одигра улога во тој пад, но најголемиот ефект дојде од промената на формулата што се користи за пресметување на царинските стапки. Повеќегодишниот потег на Русија за одданочување на извозот на нафта ќе го ограничи влијанието на какво било заострување на ценовната граница врз извозот, како што беше побарано од поранешниот министер за финансии на САД, Лоренс Самерс.

Текови на суровата нафта според дестинации

На четиринеделна просечна основа вкупниот извоз по морски пат се зголеми за 39.000 барели дневно, на 3,38 милиони барели дневно. Тие бројки ги исклучуваат товарите идентификувани како казахстанска класа „KEBCO“. Тоа се пратки од „Каз Трансоил“ (KazTransoil JSC) кои транзитираат низ Русија за извоз преку балтичките пристаништа Уст-Луга и Новоросијск. Казахстанските буриња се мешаат со сурова нафта од руско потекло за да се создаде единствена извозна оценка.

Bloomberg Mercury

 

Од руската инвазија врз Украина Казахстан ги ребрендираше своите товари за да ги разликува од тие што се испорачуваат од руски компании. Транзитната сурова нафта е посебно изземена од санкциите на Европската унија (ЕУ).

Азија

Четиринеделните просечни испораки до азиски клиенти на Русија, плус тие на бродови кои уште немаат крајна дестинација, се зголемија во периодот до 24 февруари, на 3,11 милиони барели на ден, што е највисоко ниво откако „Блумберг“ почна да ги следи тековите на почетокот на 2022 година.

Иако се чини дека количините што се упатени кон Индија се чини дека опаднаа, историјата покажува дека поголемиот дел од товарите на бродовите без точно прецизирана дестинација на почетокот од нивниот транспорт на крајот завршуваат таму. Околу 463.000 барели дневно има на бродови кои прикажуваат дестинации како Порт Саид или Суец во Египет, или кои веќе биле или се очекува да бидат префрлени од еден на друг брод во близина на јужнокорејското пристаниште Јеосу. Тие обично завршуваат на пристаништата во Индија и се појавуваат на табелата подолу под назив „Непозната Азија“ додека не стане очигледна крајната дестинација. Под наивот „Други непознати“ има 739.000 барели дневно во четирите недели до 24 февруари. Тоа се тие танкери кои покажуваат дестинација Гибралтар, Малта или воопшто немаат дестинација. Повеќето од тие товари транзитираат по Суецкиот канал, но некои би можеле да завршат и во Турција. Сè поголем број од нив се префрлаат од еден брод на друг во Медитеранот за понатамошни патувања до Азија.

Bloomberg Mercury

 

Европа

Рускиот извоз на сурова нафта преку море во европските земји се намали на 104.000 барели дневно во последните 28 дена, заклучно до 24 февруари, а Бугарија е единствена европска дестинација. Овие бројки не ги вклучуваат пратките до Турција. Пазарот кој трошеше повеќе од 1,5 милиони барели дневно сурова нафта за кратки дестинации, што доаѓа од извозните терминали на Балтикот, Црното Море и Арктикот е речиси целосно изгубен, а е заменет со дестинации на долги релации во Азија, кои се многу поскапи и одземаат многу време за сервирање.

Bloomberg Mercury

 

Ниту една руска сурова нафта не беше испорачана во северноевропските земји во четирите недели до 24 февруари. Извозот во медитеранските земји опаѓа трета недела на просечни 162.000 барели дневно. Турција беше единствената дестинација за руската сурова нафта преку море во Медитеранот, но протокот таму е само мал дел од највисоките нивоа што ги достигнаа во септември и октомври. И покрај тоа што не е дел од европските санкции за рускиот извоз на сурова нафта, Турција не остана „спас“ за Москва откако забраната за увоз на ЕУ стапи на сила на 5 декември. Протоците кон Бугарија, сега единствениот руски пазар на сурова нафта во Црното Море, се откажаа по поскапувањето од претходната недела, паѓајќи на 104.000 барели дневно. И покрај тоа што Бугарија обезбеди делумен исклучок од забраната за увоз на ЕУ, што и дозволува да продолжи да увезува руска сурова нафта по морски пат, „Лукоил“ (Lukoil PJSC) може да започне да користи сурова нафта која не е од руско потекло во својата рафинерија во Бургас веќе во март.