Шеќерот забележа најголем ценовен скок во повеќе од една деценија поради зголемените грижи за ограничените резерви, заканувајќи се да го задржи притисокот врз глобалната инфлација на храната.
Фјучерсите на белиот шеќер денеска скокнаа за 4,3 проценти, достигнувајќи го највисокото ниво од 2011 година. Цените на засладувачот растат поради можноста за ограничен извоз од клучниот снабдувач Индија, како и поради слабите резерви од други земји, вклучувајќи ги и Пакистан и Тајланд.
„По надолните ревизии на производството во големите земји, пазарот на шеќер е навистина тесен“, рече Франсоа Таури, аналитичар во париската советодавна компанија „Агрител“. Според него, повисоките малопродажни цени на шеќерот во Индија исто така ги зголемуваат облозите дека владата нема да дозволи дополнителен извоз оваа сезона, што уште повеќе го притиска пазарот.
Од друга страна, постои загриженост дека неодамнешното зголемување на цената на нафтата може да ги поттикне бразилските и индиските фабрики да пренасочат повеќе трска за производство на етанол. Мелничарите во тие земји можат сами да одлучат дали ќе произведуваат повеќе шеќер или биогориво, секако, во зависност од тоа што е попривлечно.
Движење на цената на фјучерсите за белиот шеќер / Bloomberg Mercury
Зголемените цени на шеќерот го зголемуваат трошокот за производство на производи, како слатки и печива, во време кога трошоците за енергија, гориво и работна сила исто така се зголемени. Ценовниот раст веќе го влоши влијанието на инфлацијата во повеќе земји. Големиот род во Бразил за претстојната сезона може да помогне да се ублажи затегнатоста на пазарот.
„Бразилските испораки се многу потребни, но тие сè уште не се тука“, рече Ковриг.
Цената на белиот шеќер денеска се зголеми за 2,3 проценти, на 676,80 долари за тон, достигнувајќи највисока вредност од 2016 година. Кај другите меки производи, кафето арабика поскапе за 2,9 отсто, а робуста за 2,3 отсто.
.webp){kind=icon}
