Изгледа како глобалната инфлација на храната да забавува затоа што цените на клучните земјоделски производи како пченицата, пченката, маслото за јадење се спуштија на најниско ниво во последните неколку месеци.
Последен катализатор за ова е извештајот на американското Министерство за земјоделство кое ја зголеми прогнозата за површините засадени со пченка кај најголемиот светски производител за годинава. Кај пченицата, тоа што беше засaдено есеноска, веќе се жнее и стасува до пазарите, а што се однесува до маслото за јадење, најголемиот производител Индонезија го зголемува извозот по забраната.
Фјучерсите за пченката денеска во Чикаго продолжија со загуба откаkо вчера паднаа за повеќе од пет отсто, паѓајќи на нијниско среднодневно ниво од почетокот на февруари, пред руската инвазија на Украина. И пченицата падна на најниско ниво од почетокот на војната. Соиното масло има најниска оценка од јануари наваму.
Bloomberg
Глобалните залихи со житарки се уште се мали заради екстремните временски услови и војната во Украина која го запре извозот од таму, а инвеститорите се претпазливи и заради мерките на централните банки кои ги зголемуваат каматите во борба со инфлацијата.
Многу работи зависат од временските услови во САД и Канада во следните два месеци. САД е главен производител на соја, пченица и пченка, а Канада на пченица и маслодајна репа. Глобалните трошоци за храната би можеле да паѓаат и натаму во споредба со рекордот во март. Тоа ќе се види идната недела кога Обединетите нации ќе го објават најновиот индекс на месечните цени.
.webp){kind=icon}