Додека екстремните временски услови ги пустошат посевите во Америка и Северна Африка, европската житница оди напред, и со обилните жетви на пченица ги одржуваат глобалните трошоци за храна под контрола.
Низ северна и источна Европа, полињата се богати по обилните пролетни дождови. Добрата перспектива за најголемите светски извозници на пченица помогна цените да паднат на помалку од половина од минатогодишното рекордно ниво, амортизирајќи го влијанието на сушата во другите региони и недостигот предизвикан од војната во Украина.
Ова е добра прогноза за намалување на трошоците за увоз на храна и може да помогне да се задржи инфлацијата под контрола. Сепак, многу зависи од временските услови во јуни, а ниските глобални резерви се знак дека пазарите остануваат на работ со залихи.
„Има уште долг пат до жетвата“, вели Себастиен Понселе, висок аналитичар во парискиот „Агрител“. „Но, засега ситуацијата е во ред“.
Досега знаците се позитивни. Успехот на оваа култура во Европа би можел да го поттикне глобалното производство на пченица до нови рекорди во 2023-2024 година, предвидува американското Министерство за земјоделство. Повеќе од 90 отсто од француската мека пченица беше оценета како „добра“ или „многу добра“, најдобро по повеќе од една деценија, а владата предвидува вкупното производство на Евроската унија да изнесува 131,5 милиони тони оваа година - околу шест отсто над петгодишниот просек.
Bloomberg
Пченицата е „навистина убава“ по дождовите од април и мај, а сега доаѓа сонце, вели Филип Хеузеле, генерален секретар на француската групација на одгледувачи на пченица. Ладното, влажно време, исто така, ги постави германските посеви на добра основа, вели Јохан Мајерхофер, шеф за земјоделство во фармата „ДБВ“ (DBV).
Во Романија производството може да се зголеми за 13 отсто по минатогодишната суша, покажуваат податоците на Агрител. Рикардо Луис, кој ја надгледува фарма од 5.000 хектари на југот на земјата, е оптимист. Ако наскоро врне дожд, вели тој, „ситуацијата во некои области може да се движи од добра до многу добра“.
Жетвата во Русија, исто така, би можела да го надмине нејзиниот просек за седум отсто, иако производството нема да го надмине рекордот на земјата во 2022 година, вели Андреј Сизов, управен директор на земјоделската консултантска компанија „СовЕкон“ (SovEcon).
Според Михаил Бебин, аналитичар за агробизнис во „ГреинРус“ (GrainRus), на полињата со пченица никнале од 900 до 1000 стебленца на метар квадратен, исто како и минатата година. Заедно со големите руски резерви на пченица, извозот во 2023-24 година може да достигне највисоко ниво на сите времиња.
Bloomberg
И покрај тоа, светските залихи на пченица ќе се намалуваат четврта година по ред – и ова е ризик за закрепнувањето на цената. Руската инвазија на Украина создаде големи пречки, бидејќи намалувањето на профитот и нарушувањата во извозот ги принудија тамошните земјоделци да ги намалат насадите.
Сушата во Шпанија е исто така загрижувачка: врнежите оваа година се најниски во последните децении, оставајќи некои полиња погодни само за пасење добиток. А во Франција, влажноста може да биде извор за болестите на земјоделските култури, вели Понселет од „Агрител“.
Жетвата во ЕУ започнува околу јули, што значи дека времето во следните неколку недели ќе биде пресудно. Пролетната пченица штотуку е посеана во Русија.
Ако Русија или ЕУ доживеат неочекувано време, „тоа го менува целиот пејзаж“, рече Дан Басе, претседател на консултантската компанија „АгРисорс“ (AgResource), на конференцијата „ГреинКом“ (GrainCom) во Женева овој месец.
.webp){kind=icon}
