text size
Германската компанија за гас „Унипер“ (Uniper SЕ) побара од германската влада спасувачки пакет, што ja прави првата голема корпоративна жртва од притисокот на Москва врз европските текови на гас.
Uniper, кој во голема мера зависи од рускиот гас, предложи владата да преземе релевантен удел во капиталот. Исто така, побара дополнително финансирање на долгот преку зголемување на кредитниот капацитет поддржан од државата.
Германија и Uniper преговараат со недели за потенцијален спасувачки пакет, откако официјалните лица претходно неделава проценија дека на компанијата ќе и требаат околу 9 милијарди евра, двапати повеќе од нејзината пазарна вредност.
Немаше итен одговор од германската влада, но администрацијата побрза со легислативата за да го олесни преземањето акции во погодените енергетски фирми.
Uniper порача дека нејзиниот главен акционер „Фортум“ (Fortum Oyj), кој пак е во делумна сопственост на финската влада, е во преговори со Берлин. Fortum предложи реструктуирање на Uniper со цел да се формира компанија за обезбедување на снабдување под сопственост на германската влада.
Во посебна изјава, Fortum посочи дека веќе суштински го поддржал Uniper со кредитен капацитет од 8 милијарди евра, кој е речиси целосно повлечен.
„Fortum е фокусиран да го направи својот удел за стабилизирање на европските пазари на гас и електрична енергија, бидејќи економиите на Европа зависат од нив“, се вели во извештајот.
Uniper е во тешка ситуација откако руската инвазија на Украина поттикна пораст на цените на гасот, принудувајќи ја да купува големи количини гас на скапиот „стоп пазар“. Русија сега ги притиска испораките кон Германија, зголемувајќи ја можноста за штедење на гасот оваа зима и економска катастрофа за најголемата европска економија.
Uniper веќе се соочуваше со криза во ликвидноста уште пред војната на Русија во Украина, при што агресивните промени на цените ја принудија компанијата да позајми 10 милијарди евра за да ги покрие повиците за маржа. Финансирањето вклучуваше 2 милијарди евра од германската државна развојна банка KfW и 8 милијарди евра од Fortum.
.webp){kind=icon}
