Цената на нафтата продолжи да расте три дена по ред поради растот на светските пазари на капитал и континуираните ризици на Блискиот Исток.
Суровата нафта од типот „брент“ чини над 79 долари за барел, откако поскапе за 2,4 отсто во изминатите три дена, што е потенцијално нејзина најдолга серија на добивки од септември. Суровата нафта Вест Тексас интермедиејт (ВТИ) чини близу 74 долари. Порастот на глобалните акции го зголемува апетитот на инвеститорите за поризични средства, вклучително и нафтата, иако Федералните резерви се обидуваат да ги убедат пазарите дека каматните стапки нема да опаѓаат наскоро.
На Блискиот Исток, милитантната група Хути продолжува да истрелува проектили на бродови во близина на брегот на Јемен, принудувајќи многу танкери да направат скапа промена на маршрутата. Од друга страна, САД го убиле командантот на вооружените сили поддржани од Иран како одмазда за смртта на тројца војници.
Нафтата од почетокот на годината се движи во релативно тесен ценовен опсег. Цените растат поради тензиите на Блискиот Исток, како и намалената понуда што дојде како резултат на одлуката на земјите-членки на ОПЕК +, вклучувајќи ги Саудиска Арабија и Русија, да го ограничат производството. Сепак, ова беше неутрализирано со бум во производството и рекорден извоз од САД, како и забавување на растот на глобалната побарувачка.
„Нафтата ги игнорира песимистичките знаци „и се држи до идејата за „меко слетување“ и недостаток на понуда во втората половина од годината“, рече Пријанка Сачдева, виш пазарен аналитичар во брокерската куќа Филип Нова Пте.
Цени:
Брент нафтата за април поскапе за 0,4 отсто на 79,54 долари за барел во 12:44 часот во Сингапур.
ВТИ за испорака во март поскапе за 0,4 отсто на 74,15 долари за барел.
Што се однесува до Азија, ситуацијата во Кина останува неизвесна во однос на економскиот раст. Потрошувачките цени во јануари паднаа најбрзо од 2009 година, бидејќи азиската земја се бори со дефлаторните притисоци. Од друга страна, производствените цени бележат дефлација веќе 16 месеци.
.webp){kind=icon}