Цената на нафтата близу тримесечен минимум

Нафтата ja задржа цената по најголемата неделна загуба во последните четири недели, со фокус на состанокот за снабдување на ОПЕК+ в недела и побарувачката во САД на почетокот на летната сезона на возење.

Фјучерсите на брент се одржаа над 82 долара за барел, откако паднаа за 2,2 отсто минатата недела и го достигнаа најниското ниво од почетокот на февруари, додека ВТИ (вест тексас интермедиејт) беше близу 78 долари. Организацијата на земјите извознички на нафта и нејзините сојузници ќе го одржат својот состанок онлајн, а се очекува да го продолжат намалувањето на производството во втората половина на 2024 година.

Блумберг

„Врз основа на тековните пазарни очекувања дека ОПЕК+ веројатно ќе ги продолжи намалувањата, ризиците од нафтата се нагорни“, рече Гао Џијан, аналитичар во „Кишенг фјучрс“ (Qisheng Futures) со седиште во Шандонг.

Пазарите се затворени денеска поради празници во Обединетото Кралство и во САД, каде што викендот почна и летната сезона на возење. Бројот на луѓе што се очекуваше да летаат за време на викендот може да биде најголем во последните 20 години, според Американското здружение за автомобили.

Брент е зголемен за околу 7 отсто годинава, поддржан од постојаните геополитички ризици и намалувањето на производството од 2 милиона барели дневно на ОПЕК+. Сепак, фјучерсите опаднаа од средината на април, бидејќи нервозата дека конфликтот на Блискиот Исток ќе се прошири и ќе го наруши протокот на нафта се намали.

Во моментов нема коментари за веста. Биди прв да коментира...

Остави коментар