.webp){kind=icon}
Цената на нафтата е на пат да го оствари најголемиот неделен раст од февруари годинава по потегот на американските Федерални резерви (Фед) да почнат со олабавување на монетарната политика, односно нивната одлука драстично да ги намалат каматните стапки. Инвеститорите продолжуваат да ги следат тензиите на Блискиот Исток.
Нафтата брент денеска се тргува за нешто под 75 долари за барел, а неделните фјучерси се со цена повисока од над четири проценти. Барел ВТИ (WTI-West Texas Intermediate) чини близу 72 долара. Оптимизмот дека Фед може да создаде меко приземјување за американската економија нуди благ тон на ризик на пошироките финансиски и стоковни пазари.
Процентуална промена на цената на нафтата брент на неделно ниво
Bloomberg Mercury
Серијата експлозии на уредите воки-токи и на пејџерите што се случија неделава ги зголемија стравувањата од целосна војна меѓу Хезболах, кој е поддржан од Иран, и Израел, од каде што ниту потврдија ниту негираат одговорност за нападите. Постои загриженост дека поширок конфликт може да го вклучи Иран во војната и да ги загрози тековите на сурова нафта од тој регион.
Инаку, нафтата сè уште се движи кон квартална загуба бидејќи големата понуда и економското забавување на Кина го нарушуваат пазарот.
„Останува да се види дали намалувањето на каматните стапки од страна на Фед ќе ги ублажи надолните ризици за нафтата на макрониво“, рече Гао Џијан, аналитичар во „Кишенг фјучерс“ (Qisheng Futures Co.).
