text size
Екстремно високите температури во текот на летото и малото производство во хидроцентралите се меѓу причините зошто цената на струјата во регионот на Југоисточна Европа е повисока отколку во Западна Европа.
Секретаријатот на Енергетската заедница (ЕЗ), по барање на Регулаторната комисија за енергетика (РКЕ) и на Министерството за енергетика, рударство и минерални суровини, подготви анализа во која се забележуваат причините за големата разлика во цените на струјата од земја до земја.
Барањето од македонска страна се однесуваше на часовните цени во пазарот ден однапред од јуни до август 2024 во споредба со истиот период од минатата година.
Прочитај повеќе
Сончевите панели произвеле над 500 отсто повеќе струја од лани
Производството на струја од јаглен падна под 30 отсто во јули годинава.
25.09.2024
РКЕ бара анализа поради високите цени на струјата во регионот
Во дел од земјите на Југоисточна Европа се регистрираат нетипично високи цени на пазарот на електрична енергија, велат од Регулаторната комисија и Министерството за енергетика.
12.09.2024
Климатските промени ја зголемуваат побарувачката за струја со забрзано темпо
Растот од четири проценти што се очекува за 2024 година е највисок од 2007 година.
19.07.2024
Енергетските мрежи под висок ризик, цената на струјата расте
Цената на струјата на берзата ХУПЕКС во Унгарија неделава надмина 200 евра за мегават-час.
17.07.2024
„Анализата покажала дека најизразена ценовна разлика е регистрирана помеѓу Романија и Австрија, потоа следува распонот на цена меѓу Грција и Австрија, Србија и Австрија, Северна Македонија и Австрија, Унгарија и Австрија, Црна Гора и Австрија и Хрватска и Австрија. Најмал распон бил забележан меѓу Германија и Австрија. Во анализираниот период во 2024 година цените на електричната енергија во Југоисточна Европа биле значително повисоки во споредба со цените во Германија и во Австрија“, се наведува во одговорот од Енергетската заедница доставен до РКЕ.
Зошто струјата во регионот е поскапа?
Енергетската заедница наведува неколку клучни фактори за големата разлика на цената на електричната енергија:
Причини
- Продолжените и екстремни топлотни бранови во Југоисточна Европа, кои резултираа со зголемена побарувачка на електрична енергија;
- Зголеменото производство од фотоволтаични електроцентрали во Западна и Централна Европа во одреден период од денот, заедно со неоптималната пресметка и распределба на прекугранични капацитети во Европа, поради недостигот од имплементација на пакетот за интеграција на електрична енергија, особено спојувањето на пазарите и правилото за 70 отсто кај договорните страни во Енергетската заедница;
- Намаленото производство од хидроцентралите во Југоисточна Европа поради неповолните хидролошки услови, односно ниските нивоа на акумулациите поради сушите;
- Ограничениот расположлив прекуграничен капацитет што бил понуден на пазарот во одредени аукциски зони на наддавање во Европа, вклучувајќи го и тоа дека капацитет на зоните на наддавање помеѓу Србија и Косово не се алоцирал, што влијаело врз конвергенцијата на цената во тој регион;
- Големите потреби за увоз во Украина пред сè поради претрпената штета на енергетската инфраструктура предизвикана од страна на руската агресија;
- Нерасположливоста на одредена инфраструктура за пренос на електрична енергија и објекти за производство во регионот на Југоисточна Европа, првенствено поради ремонти во текот на летниот период;
- Ниското производство на нуклеарните електроцентрали во регионот, на пример електроцентралата „Пакс“ во Унгарија работела со помал капацитет поради термалните ограничувања на водата во Дунав, една единица во електроцентралата „Црна вода“ во Романија постојано била исклучувана поради одредени технички проблеми.
Од Секретаријатот на Енергетската заедница информираа дека ќе продолжат со анализа на овие прашања и ќе постапуваат во согласност со нивните надлежности, велат од РКЕ.
.webp){kind=icon}
