Русија досега им пркосеше на очекувањата дека производствто на нејзината нафта ќе доживее колапс по почетокот на војната во Украина. Меѓутоа, Москва во наредните месеци ќе мора двојно да ги зголеми напорите за да пронајде нови купувачи ако сака да го спречи намалувањето на производството.
По падот на производството непосрено по почетокот на војната во Украина, руското производство се опорави во минатите три месеци, домашните рафинерии процветаа, а азиските купувачи се вклучија да ги преземат пратките кои западните купувачи ги избегнуваа. Сепак, претстојната забрана на Европската унијка за поголем дел од руската сурова нафта како и се поголемото забавување на стопанството, ќе зададе удар на производителите во земјата.
„Руските нафтени компании уживаа во убавините на летото, растечката домашна побарувачка и отсуството на санцкии од страна на ЕУ овозможија да им се зголеми производството“, вели Виктор Катон, аналитичар во компанијата Кплер. „Но во непосредната иднина, тоа сигурно ќе се смени“.
Руското производство на сурова нафта и деривати го достигна воениот максимум од околу 10,8 милиони барели дневно во јули. Обемот би можел да падне на околу 10,5 милиони дневно кога забраната на ЕУ ќе стапи на сила во декември, вели Катон.
Аналитичарите на Rystad Energy AS предвидуваат дека производството ќе се одржи на околу 10,1 милиони дневно до крајот на годината, а од Меѓународфната агенција за енергија сметаат дека на почетокот на 2023 тоа ќе падне за два милиони дневно.
Руското министерство за енергетика не одговори на барањата за коментар за изгледите за идното производство заради се поблиското ограничувањата од ЕУ.
Ембаргото, кое ќе се применува на увоз на морска сурова нафта и цевководни залихи од 05 декември, би требало да отстрани околу 1,3 милиони барели дневно од европскиот пазар, покажуваат проценките на Меѓунардоната агенција за енергетика (МАЕ). Забраната за увоз на нафтени производи ќе следи од 05 февруари, што најверојатно ќе значи намалување за уште милион барели дневно, соопшти МАЕ во четвртокот.
Bloomberg
Многу традиоционални купувачи веќе одбоваат да го преземат рускиот товар, што ја поттикна Москва да почне да продава во Азија, често со значителен попуст. Русија годинава го зголеми дотокот на сурова нафта во тој регион за блузи 800.000 барели дневно, според податоците за следење на бродовите кои ги собра Bloomberg.
Но, Москва не може да смета на тоа дека Азија ќе ги расчисти сите резреви кога забраната на ЕУ ќе стапи на сила затоа што регионот е веќе заситен со руска нафта, сметаат аналитичарите на Кплер, Рајстад и московскиот БЦС Глобал Маркет.
„Краткорочно гледано, Азлија веќе зема се што може да земе“, вели Рон Смит, аналитичар на БЦС.
„Загуби во руското производство еднакви на моменталниот поморски извоз кон Европа е најлошо сценарио и малку е вероајтно дека ќе се оствари“, вели Сергеј Вакуленко, независен експерт со повеќе од 25 години искуство во руската нафтена индустрија. Тој очекува дека трговците низ светот ќе бидат желни да пронајдат купувачи за дополнителни руски количини со оглед на недостигот на резревни производни капацитети на други места.
Вакуленко смета дека руското производство ќе остане на приближно исто ниво до крајот на годината, а на исто мислење е и Кирил Бахтин, виш аналитичар за нафта и гас во банката Синара.
„Очекуваме помалку или повеќе стабилно производство на руските течни горива во износ од 10,8 милиони барели дневно до февруари 2023 година благодарение на успешните напори нафтата да се пренасочи од Европа кон Азија“, вели Бахтин.
Рускиот морски извоз неодамна падна од пролетниот максимум, но производителите на нафта и натаму бележат раст на домашната преработувачка заради сезонската побарувачка за гориво во земјата и странство.
Сепак, до крајот на годината, секој обид да се преработи повеќе сурова нафта во земјата и да се зголеми производството на полесни производи кои би можеле да најдат пазар во Европа пред февруарските санцкии би значело прооизводство на потешки горива кои потешко се продаваат во поладните месеци.
Во пролетта руските производители успеаа да најдат купувачи за својот мазут на Блискиот Исток откако САД воведоа забрана. Но, побарувачката во тој регион може да падне кога времето ќе залади, ограничувајќи ја способноста на Русија да извезува тежок производ, вели Михаил Турукалов, главен извршен директор на компанијата Commodities Markets Analytics LLC од Москва.
Во студените месеци, на Русија ќе и недостигаат и логистички капацитети потребни за поголем раст на извозот на мазут, вели Турукалов.
„Оваа зима преработката на нафта во Русија тешко дека ќе може да расте доволно за да го компензира очекуваниот пад на извозот на нафта“, вели тој.
.webp){kind=icon}