text size
Цените на природниот гас во Европа се на рекордно ниво втор ден по ред, зголемувајќи ги главоболките на индустријата и домаќинствата и заканувајќи се да ги турнат економиите во рецесија.
Референтните вредности на фјучерсите се зголемија за 9 отсто откако руски Гаспром најави дека од 31 август на три дена повторно ќе ги сопре испораките на гас преку гасоводот Северен тек. Гасоводот веќе цел месец работи со капацитет од 20 отсто.
Пазарот последните недели дополнително се затегна заради екстремната суша која го наруши транспортот преку реките и ги ограничи хидроцентралите и нуклеарките. Како резултат на ова побарувачката за гас расте во време кога руските намалени испораки го погодуваат регионот.
Ова беше необично и тешко лето за Европа. Вообичаено за време на топлите периоди цените и побарувачката се намалуваат дозволувајќи им на земјите да собираат гас во складиштата и да се подготвуваат за зимата. Но, редукциите кои ги прави Москва и високите температури ги задржаа цените на гасот на ниво кое е 11 пати повисоко од ланското.
„Ненормално високите температури и сушата ќе бидат краткотрајни мултипликатори на европската енергетска криза во време кога изворите на енергија се ограничени што резултира со зголемување на побарувачката, а со тоа и раст на цените“, стои во извештајот на аналитичарите на Bloomberg Intelligence.
Холандските термински договори, кои се европска рефентна вредност, затворија на рекордни 244,55 евра за мегават час, што е најмногу по средината на декември, а британскиот еквивалент има највисока цена од март.
Bloomberg
Високите цени натераа половина од европските преработувачки капацитети на цинк и алуминиум да затворат во текот на минатата година, а сега и други се подготуваат за истото. Германија, која е меѓу најпогодените, ризикува егзодус на производителите на делови за автомобили, хемикалии и челик кои се борат со високите цени на енергенсите. Влада ги повика потрошувачите да ја намалат побарувачката, а во четвртокот го намали данокот на промет со гас за привремено да ги намали тешкотиите.
Ниските водостои на реката Рајна го примораа Шел да го намали производството во рафинеријата Рајнланд во Германија, најголема од во земјата. Пловидбата низ најважниот европски комерцијален воден пат е со потешкотии во последните денови, но водостојот на клучната мерна точка во земјата се очекува да порасне на почетокот на следната недела што ќе овозможи товарот да се движи по водата.
Долготрајната суша во Шпанија и Португалија ги остави хидроцентралите на историски најниско ниво, дополнително зголемувајќи ги барањата за употреба на гас за производство на струја, анализира Bloomberg Intelligence.
.webp){kind=icon}
