Срцето на европската индустрија се соочува со потенцијален егзодус затоа што германските производители на делови за автомобили, хемиски производи и челик се борат со цените на енергенсите кои секој ден имаат нови рекордни вредности.
Цените на струјата и гасот во Германија се повеќе од двојно зголемени само за два месеци, а струјата за две година поскапе од 40 на 540 евра за мегават час.
Bloomberg
„Инфлацијата кај енергенсите е многу подраматична во споредба со се друго“, вели Ралф Стофелс, извршен раководител на BIW Isolierstoffe GmbH, производител на силиконски делови за автомобили и авиони. „Се плашам од постепена деиндустијализација на германската економија“.
Прочитај повеќе
Германска компанија ќе прави електрични возила во Тетово
Next.e.GO Mobile SE ќе гради фабрика во слободната зона во Тетово, дознава Bloomberg Adria
11.08.2022
Германската криза ги става под ризик нарачките од Македонија
Најголем дел од македонскиот извоз оди за Германија. Тамошната криза ќе влијае на индустријата во земјава
29.07.2022
Земјата се потпираше на рускиот гас за да ги опслужува постројките за струја и фабриките, но сега се подготвува за непредвиден предизвик да успее да ги задржи светлата вклучени, а фабриките во погон, откако Русија ги намали испораките. Привремено затворање заради високи цени се случувало и порано, од декември до март, и тоа кај производителите на вештачки ѓубрива и челик.
Сега, цените се уште повисоки и го заоструваат притисокот. Европскиот гас за следниот месец денеска се продава по цена од рекордни 241 евро за мегават час, или 11 пати повеќе од лани ова време.
Иако Владата во одредена мерка се обидува да ги ограничи поскапувањата за домаќинствата, бизнисте не се имуни на големите трошоци кои на крајот ќе паднат на товар на потрошувачите, или компаниите може да затворат.
„Цените се тежина за многу компании кои се зависни од енергенсите, а се на меѓународниот пазар“, вели Матијас Рух, портпарол на for Evonik Industries AG, вториот по големина производител на хемиски производи во светот со фабрики во 27 земји.
Компанијата веќе заменува дури 40 отсто од природниот гас со течен нафтен гас и јаглен, а некои од трошоците веќе ги пренесува на купувачите. Но, идејата за преселба не е почетна, вели портпаролот.
Сепак, има докази дека германската индустриска позиција се лизга. Во првите шест месеци од оваа година, обемот на увоз на хемиски производи се зголеми за 27 отсто споредено со истиот период лани, покажуваат податоците на владата анализирани од консултантот Oxford Economics. Соодветно, хемиското производство падна, и тоа за осум отсто во јуни споредено со декември.
Меѓународниот монетарен фонд минатиот месец објави дека Германија е најпогодена од групата Г7 земји заради високата зависност од рускиот гас.
Најголемиот европски производител на бакар, Aurubis AG, со седиште во Хамбург, планира да ја намали употребата на гас, а трошоците за струја да ги пренесе на купувачите, изјави извршниот дирекрот Роланд Харингс. Гигантот за производство на шеќер, Suedzucker AG изработи кризен енергетски план во случај Русија целосно да ги сопре испораките кон Гермнаија, вели портпаролот.
BMW AG се подготвува за можен недостиг. Автомобилскиот производител со седиште во Минхен, раководи со 37 постројки на гас кои генерираат топлина и струја и размислува наместо нив да користи локални добавувачи на комунални услуги.
Компанијата за пакување, Delkeskamp Verpackungswerke GmbH планира да го затвори погонот за хартија во градот Нортруп заради високите трошоци за струја, а 70 работници ќе загубат работа.
Ако цената на енергијата продолжи да расте, ќе го смени еконмскито изглед на континетот, вели Симоне Таљиапиетра, соработничка во бриселската советодавна компанија Bruegel.
„Некои индустрии ќе бидат под сеиозен стрес и ќе мора да размислат уште еднаш за нивното производство во Европа“, вели таа.
.webp){kind=icon}