text size
Нафтата порасна трета сесија по ред, откако владиниот извештај покажа дека САД испорачале рекордно количество сурова нафта и рафинирани производи во странство, бидејќи економиите кои се „гладни“ за енергенси се борат со залихите.
Фјучерсите на West Texas Intermediate (WTI) се искачија над 95 долари за барел, откако скокнаа за околу пет отсто во текот на претходните две сесии. Количините на сурова нафта и производи како што е дизелот, извезени од САД, минатата недела биле највисоки од февруари 1991 година, според Управата за енергетски информации.
Суровата нафта се упати кон неделен раст бидејќи знаците за заострување на прогнозите за понудата ја неутрализираа загриженоста за економското забавување. Извозот од Казахстан може да биде прекинат со месеци поради оштетувања на терминал, додека Саудиска Арабија посочи за потенцијални намалувања на производството на ОПЕК+ за да се смири нестабилниот пазар. Други членки на картелот, вклучително Ирак и Кувајт, изразија поддршка.
Испораките на сурова нафта и рафинирани производи достигнаа рекорд/Bloomberg
Инвеститорите, исто така, го следат напредокот во заживувањето на нуклеарениот договор со Иран, што може да доведе до зголемување на нафтените текови од членките на Организацијата на земјите извознички на нафта (ОПЕК). Државата во Персискиот Залив соопшти дека го разгледува одговорот на администрацијата на Бајден на планот изработен Европската унија со цел да се спаси договорот од 2015 година, вклучувајќи ги и коментарите на САД за амандманите предложени од страна на Техеран.
„Пазарното расположение останува нестабилно и треба да се решат најмалку две големи краткорочни до среднорочни несигурности - судбината на договорот со Иран и траекторијата на глобалната побарувачка на нафта“, вели Вандана Хари, основач на Vanda Insights во Сингапур.
Иран ќе се обиде да ја пополни празнината што ја остави Русија во Европа и ќе се обиде повторно да придобие клиенти во земји како Грција, Италија, Шпанија и Турција доколку договорот биде обезбеден, велат изворите. Москва, исто така, допре до неколку азиски земји за да разговараат за можни долгорочни договори за нафта со длабоки попусти, додека американските власти продолжуваат да го туркаат планот за ограничување на цената.
Цени:
WTI за испорака во октомври поскапе за 0,5 отсто на 95,32 долари за барел на њујоршката берза во 6:15 часот во Лондон.
Брент за октомвриското порамнување поскапе за 0,6 отсто на 101,80 долари за барел на ICE Futures Europe берзата.
Дополнение за позитивното расположение е планот на Кина да го зајакне својот економски стимул со дополнителни трилион јуани (146 милијарди американски долари) во мерки за економијата погодена од проблеми во секторот за имот, ограничувањата на мобилноста поврзани со Ковид-19 и некои недостатоци на електрична енергија. Сепак, постои одредена неизвесност дали напорите се доволни.
.webp){kind=icon}
