Американскиот технолошки милијардер Илон Маск разговараше со кандидатката за канцеларка на германската крајна десница, Алис Вајдел, на неговата социјална мрежа X, што претставуваше неплатена реклама за ултрадесничарската партијата Алтернатива за Германија (АфД) пред федералните избори следниот месец.
Разговорот, кој опфаќаше теми од Хитлер и Сталин до вонземјани и човечко населување на Марс, траеше нешто повеќе од еден час. Маск има повеќе од 211 милиони следбеници на X, а 105.000 луѓе беа вклучени пред почетокот на настанот.
Настанот на X беше најновата авантура на Маск во европската политика, каде што стана гласен поддржувач на крајно десничарските партии.
Прочитај повеќе
Италијанската влада дава 1,5 милијарди евра за сателитските услуги на Маск
Преговорите се во тек, а конечна спогодба за петгодишниот договор сè уште не е постигната.
06.01.2025
Откако ги освои орбитата и Трамп, Илон Маск тргна во поход во Германија
Зошто зафатениот милијардер Маск се занимава со политичката состојба во Германија и какво ќе биде неговото влијание врз електоратот во најголемата европска економска сила?
24.12.2024
Рецептот на канцеларот Шолц против нападите од Маск: „Останете кул“
Германскиот канцелар Олаф Шолц рече дека неодамнешните напади на Илон Маск немаат влијаат врз него или врз демократијата на нацијата.
04.01.2025
Маск почна да воведува ред во политиката и во Велика Британија
Илон Маск ги критикува британските власти за скандалот со сексуална злоупотреба на деца, а британците велат дека неговите објави се „смешни“ и „срамни“
05.01.2025
Милијардерите на Трамп: Новата администрација на САД тежи 460 милијарди долари
Во Вашингтон полека се полни кадровскиот базен на новата администрација.
04.01.2025
Во својата кампањска платформа за предвремените избори на 23 февруари, АфД повикува на излез на Германија од Европската унија и еврозоната, потези кои би означиле голема промена во германската политика и би ги отсекле политичката и економската интеграција градени со децении. Партијата исто така повикува на репресија врз мигрантите без документи, вклучувајќи протерување на стотици илјади луѓе.
АфД моментално е на второ место во анкетите со поддршка од околу 19 отсто, зад конзервативниот блок предводен од ЦДУ (CDU) со 32 отсто. Социјалдемократите на Шолц се на трето место со 17 отсто, пред нивниот коалициски партнер, Зелените, со 12 отсто.
Европската комисија изјави дека ќе го следи разговорот и ќе го анализира за потенцијални прекршувања на Законот за дигитални услуги на ЕУ. Германската иницијатива против корупција, „Лоби контрол“ (LobbyControl), изјави дека разговорот може да се смета за нелегална партиска донација, бидејќи Маск јасно изјавил дека неговата цел е да ја поддржи AфД.
Три државни ограноци на АфД се класифицирани како екстремистички и се под надзор на германската домашна разузнавачка служба. Партијата вели дека исламот не припаѓа во земјата, а поранешниот лидер Александар Гауланд го нарече нацистичкиот период мала дамка во долгата историја на Германија.
Маск главно избегнуваше да поставува критички прашања за кампањата на АфД. Тој рече дека е за соларни панели откако Вајдел го критикуваше воведувањето на ветерна и соларна енергија во Германија. „Тесла“ е снабдувач на домашни батерии, кои складираат електрична енергија од соларни панели и обезбедуваат резервна енергија за време на прекини.
.webp){kind=icon}