Соработката со уметници за концептуални модели на возила не се однесува само на деталите туку практично се провлекува низ целиот концепт и создава еден вид шоу за кое сите зборуваат летово - т.н. перформативно сликарство. За проектот се зборува не само поради возилото или ликот на уметникот туку и поради комплетниот пристап, кој уште еднаш покажа зошто баварската компанија создаде дури 20 верзии на таканаречениот „БМВ арт кар“ (BMW Art Car) во речиси 50 години од 1975 година.
Годинава соработката ја потпишува американската уметница со етиопско потекло Џули Мехрету. Минатата година таа успеа да продаде слики вредни 10,7 и 9,3 милиони долари, со што стана најпродавана жена уметник со африканско потекло, заземајќи го второто место на листата на најпродавани дела од женски уметници. Нејзината слика „Емпириско градење“ стана дел од постојаната колекција во МоМА, најголемиот музеј на современа уметност во Њујорк.
Во интервју за „Блумберг Адрија“ таа вели дека главната инспирација за создавање на своето издание на технолошки напредниот „БМВ М хибрид В8“ ја нашла во делата на уметниците Френк Стела и Џени Холцер. Тие, заедно со великаните како Џеф Кунс, Рој Лихтенштајн, Дејвид Хокни и Енди Ворхол, претставуваат некои од најзначајните имиња во ова уникатно креативно поглавје. Интересен детаљ е тоа што уметницата, по убедување од директорот на уметнички проекти во БМВ, професор д-р Томас Гирст, неколкупати ја одбила соработката, поради што финалниот производ е уште поисклучителен, бидејќи се чинеше дека соработката никогаш нема да ја види светлината на денот.
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
На прашањето колку време е потребно за да се создаде концептуалното возило „скајтоп“, кое истовремено беше претставено на еден од најголемите настани посветени на старите возила во вилата „Д'Есте“ на езерото Комо, шефот за надворешен дизајн Кристофер Веил рече дека тие потрошиле „добри шест месеци“, што е изненадувачка информација. За создавањето на возилото, тој рече: „Ако се работи за сериски автомобил, потребни се од три до три и пол години, бидејќи овие возила треба да ги исполнуваат сите прописи. Тие треба да се тестираат. Има толку многу приспособувања што за тоа е потребно малку подолго време. Но шест месеци за концептот ’скајтоп’, како што гледам, е одличен резултат“.
На дизајнерите на концептуални возила им е малку полесно затоа што раководството ги одобрува идеите побрзо од вообичаено, кога треба да се земат предвид уште илјада други детали, пред сè од аспект на безбедноста, а не само од извонредната естетика.
Слично одговори и уметницата, нагласувајќи дека идејата созревала последнава година, откако независна комисија од експерти за уметност ја избрала меѓу истакнатите уметници во светот во периодот на пандемијата. Токму во овој период Мехрету навистина сакаше да го има покрај себе својот гуру Оквуи Енвезор, покојниот влијателен куратор, кој често ја советуваше во нејзината богата кариера. За време на учеството на трката во Дејтона, нејзината одлука созреа и реши да го прифати предизвикот, се разбира и по наговор на нејзиниот внук, голем љубител на автомобили и трки. По оригиналното возило „БМВ и4“ и набљудувањето како возилото за миг го менува својот изглед во различни форми, таа и тимот дојдоа до импресивниот модел „М хибрид В8“.
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
Dejan David Kemperl
Погледнете ја галеријата
По многубројните верзии и движења во 3Д-програми и реални модели, Мехрету со повеќе од 35 соработници дојде до верзијата што беше претставена на главната сцена на „Конкордс д’елеганса“ на езерото Комо. Оние што беа присутни во изминатите неколку дена на познатата трка во Ле Ман можеа да го видат возилото со тимот, вклучувајќи ја и уметницата, која дизајнираше и униформи за тимот во ист стил.
Духот на уметничкото творештво и проектот ќе продолжат со нејзините иницијативи за дополнителни панафрикански уметнички проекти за локални работилници, за кои вели дека ќе ги обединат домородните индивидуални уметнички проекти. Резултатот од овие работилници ќе биде претставен со нејзиниот „арткар“ на привремена изложба во африканскиот музеј за современа уметност „Цајц“ (MOCAA) во Кејптаун, Јужна Африка, на крајот на следната година.
„На почетокот немав идеја како да му пристапам на проектот и во кој правец да творам“, вели уметницата, но подоцна ја избрала сликата „Секојпат“. Доколку сакате да ги видите нејзините дела во живо, имате можност да го направите тоа во Венеција, поточно во палатата „Граси“, до 6 јануари 2025 година, каде што е достапна изложбата „Ансамбл“, нејзина најголема досега во Европа, создадена од Каролин Буржоа, главна кураторка на колекцијата „Пино“.
Инаку, една од најважните пресвртници во кариерата на енергичната уметница беше проектот за уметничко опремување на канцеларијата на банката „Голдман Сакс“ на Менхетн, вреден повеќе од две милијарди долари, што беше нејзина прва нарачка во вредност од над пет милиони долари. Една од основите на создавањето на уметнички возила е следењето на уметничката креативност, што добро се гледа во видеото што го подготвија претставниците на нејзиниот тим и соработниците на баварската автомобилска компанија, каде што повеќе од 35 луѓе постојано соработуваа и ги дополнуваа идеите што доведоа до финалната верзија на возилото, бидејќи поради подготовките за трката во Ле Ман, тие мораа да ги земат предвид строгите детали што ги бараа организаторите на трката.
.webp){kind=icon}
Во моментов нема коментари за веста. Биди прв да коментира...