Традиционалните инвестиции како акции, благородни метали и недвижности полека наидуваат на конкуренција во форма на алтернативни ресурси. Меѓу овие извори на инвестиции, часовниците може да се сметаат за единствена и исклучително профитабилна опција. И покрај тоа што пазарот беше нестабилен и чувствителен на надворешни влијанија во последната година, тој расте на долг рок и може да биде стабилна инвестиција поради својата вредност. Според податоците добиени од „Бостон Консалтинг Груп“ (Boston Consulting Group) во соработка со продавачот на луксузни часовници „ВочБокс“ (WatchBox), чии клиенти се Мајкл Џордан и Бил Ајкман, вредноста на часовниците од брендовите како „Ролекс“ (Rolex), „Патек Филип“(Patek Philippe) и „Одемарс Пиге“ (Audemars Piguet) ќе се зголеми за 20 проценти.
За секој кој сака брз пристап до своето богатство, часовниците се одлична опција бидејќи можат брзо да се продадат и да се вратат со висок степен на сигурност, бидејќи - можете да го осигурате часовникот, но не и парите. Како опипливи симболи на времето, изработката и стилот, часовниците нудат можност не само да се зголеми капиталот, туку и да се создаде колекција со уникатна приказна. Во светот на инвестициите, каде што многу трендови доаѓаат и си одат, часовниците претставуваат столб кој се спротивставува на времето и богатство кое чека да биде откриено и ценето.
Истакнуваме пет клучни причини зошто часовниците се одлично купување за секој што сака да направи паметна инвестиција.
1. Безвременска вредност
Часовниците не се само начин за следење на времето, туку претставуваат и уметнички дела во чие создавање е вложен многу труд.
2. Симбол за статус
Часовниците одамна се статусен симбол кој го открива вкусот на сопственикот, деловниот успех и начинот на живот. Инвестирањето во часовници не само што ја открива имотната состојба на сопственикот, туку претставува и стратешки потег на инвеститорите кои се свесни за нивната вредност и желбата на клиентите да вклучат нешто уникатно и вредно во нивната колекција.
3. Ограничена достапност и реткост
Најбараните часовници често се произведуваат во ограничени серии, што дополнително ја зголемува нивната вредност и побарувачката од колекционерите. За инвеститорите, ограничената достапност дополнително ја зголемува вредноста на часовникот.
4. Отпорност на инфлација
Одредени модели на престижни брендови покажаа исклучителна отпорност на економските флуктуации и инфлацијата. Оваа отпорност на нестабилни економски услови им обезбедува на инвеститорите вреден ресурс чија вредност ретко опаѓа, а почесто се зголемува со текот на годините. Во исто време, за разлика од многу други инвестиции кои можат да застанат со години, часовниците нудат можност да уживате во нив секој ден - додека гледате како нивната вредност расте.
5. Меѓународен секундарен пазар
Пазарот на часовници не е ограничен со национални граници. Инвеститорите го имаат на располагање целиот светски пазар за продажба и купување, а со тоа можат да продаваат часовници по цени кои не се ограничени од локалната куповна моќ.
Инвестирањето во часовници навистина може да биде исплатлива инвестиција, но многу е важно да се забележи дека овој пазар е исклучително разновиден и голем, а на таа вредност може да влијаат фактори како што се репутацијата на брендот, реткоста, состојбата на часовникот и историското значење. Меѓу многуте брендови кои се сметаат за луксузни, важно е да се избере вистинскиот бидејќи не сите скапи часовници се добра инвестиција.
Вредноста на одредени модели едноставно доаѓа од актуелните трендови, егзотичните и скапоцените материјали и многу лесно може да почне да опаѓа во моментот кога се во ваши раце. Од друга страна, има и часовници кои само продолжуваат да ја зголемуваат вредноста од моментот кога ќе станат дел од вашата колекција.
Оваа втора група дефинитивно вклучува часовници направени од „Ролекс“, „Патек Филип“, „Одемарс Пиге“, „Вашерон Константин“ (Vacheron Constantin) и „Омега“ (Omega), чија понуда е значително помала од побарувачката. Од особена вредност се постарите модели како „Ролекс Сабмаринер“ (Rolex Submariner), „Ролекс Дејтона“ (Rolex Daytona), „Патек Филип Наутилиус“ (Patek Philippe Nautilus), „Пиге Ројал Оук“ (Audermars Piguet Royal Oak), „Омега Спидмастер“ (Omega Speedmaster) и „Вашерон Оверсис“ (Vacheron Constantin Overseas).
Секој кој ќе има среќа да купи кој било часовник „Ролекс“ денес сигурно ќе може да го продаде по повисока цена во моментот кога ќе ја напушти продавницата на сите оние што се наоѓаат на листите за чекање. На пример, „Ролекс Дејтона“ има МСРП од 13.150 долари, но на секундарниот пазар неговата вредност е 40.000 долари.
Ретките половни часовници, кои речиси секогаш се на радарот на инвеститорите ширум светот, како и моделите од подостапни компании како „ТАГ Хојер“ (TAG Heuer) и „Тудор“ (Tudor), се покажаа како одлична инвестиција. Судејќи според податоците објавени од „Сабдајл“ (Subdial), платформа за тргување часовници од Велика Британија, вредноста на пет модели од овие компании се зголемила за 17 отсто за само една година. Овој пораст на вредноста се припишува на колекционерите кои полека развиваат вкус за потценети модели кои не се сметаат за луксузни.
Ако го разгледувате часовникот како инвестиција, треба да обрнете внимание на неколку работи при изборот и купувањето.
- Изберете почитуван бренд кој има долга историја на производство на квалитетни часовници
- Одлучете се за часовник со класичен дизајн
- Обидете се да најдете линија или ограничен часовник. Ако купувате користена копија, обрнете внимание на оригиналноста на сите делови
- Внимавајте на изгледот и состојбата на часовникот затоа што може да се случи неговиот сопственик да го подобри со дополнителни елементи како скапоцени камења, што всушност може да ја намали неговата вредност и пожелност кај инвеститорите кои обично бараат часовници во оригинална, фабричка состојба.
Десет часовници кои се сметаат за најдобра инвестиција
Како што пазарот на луксузни часовници продолжува да расте, потенцијалните инвеститори и купувачи може да бидат соочени со тешка одлука во кој часовник да ги вложат своите пари.За малку да ги олесни работите, сајтот „МајАртБрокер“ (MyArtBroker), кој се занимава со продажба и препродажба на вредни предмети, создаде листа од 10 часовници кои се добра инвестиција во моментов:
„Ролекс Дејтона“
Bloomberg Mercury
„Ролекс Дејтона“ е класичен и високо ценет часовник кој се произведува од 1963 година. Овој часовник е познат по својот едноставен, но елегантен дизајн, кој вклучува куќиште и нараквица од нерѓосувачки челик, како и функција за хронограф. Најновите модели доаѓаат во различни материјали, вклучително и челик, злато и платина, и се карактеризираат со познатото автоматско движење на „Ролекс“. Дизајнот, сигурната функционалност и висококвалитетната изработка на „Дејтона“ го прават барано инвестициско парче. Проценетата пазарна вредност за „Ролекс Дејтона“ од нерѓосувачки челик може да се движи од 20.000 до 120.965 долари, додека ретките модели, како што е оној со ознаката Пол Њуман, може да достигне милиони.
„Патек Филип Наутилус“
Bloomberg Mercury
„Наутилиус“ е луксузен часовник кој со текот на годините изгради репутација како одличен избор за инвестирање. Благодарение на неговиот специфичен дизајн, исклучителната изработка и ограниченото производство, тој стана симбол на статус и софистицираност за колекционерите ширум светот. Побарувачката за „Наутилус“ само порасна во последниве години, што доведе до импресивни резултати на аукците. Во 2021 година, реткиот „Наутилиус“ со син бројчаник „Тифани“ беше продаден за рекордни 6,5 милиони долари, покажувајќи ја огромната вредност што му се придава на овој модел.
„Одемарс Пиге Ројал Оук“
Bloomberg Mercury
„Ројал Оук“ е часовник кој направи револуција во индустријата кога беше претставен во 1972 година. Часовникот е дизајниран од Џералд Гента и е продаден за 2,1 милиони долари. Овој часовник има октогонално куќиште со осум видливи завртки и текстура на бројчаникот, што му дава препознатлив изглед што го издвојува од другите луксузни часовници. Куќиштето и нараквицата се изработени од висококвалитетни материјали како што се нерѓосувачки челик, злато и платина, што придонесува за издржливоста и долговечноста на часовникот. Неговата проценета пазарна вредност може да се движи од десетици илјади до стотици илјади долари, во зависност од моделот и состојбата. „Ројак Оук“ е високо ценет меѓу колекционерите и ентузијастите за неговата извонредна изработка, уникатен дизајн и ограничена достапност, што го прави одлична инвестиција за сите љубители на луксузни часовници.
„Омега Спидмастер“
Bloomberg Mercury
„Омега Спидмастер“ има безвременски дизајн кој остана во голема мера непроменет од неговото претставување во 1957 година. Познат како „Мунвоч“ (Moonwatch) поради неговата употреба во мисиите „Аполо“ на НАСА, овој иконски часовник има класичен црн бројчаник со бели арапски бројки и стрелки. Неговиот рачно намотан хронограф е сместен во куќиште од нерѓосувачки челик, а часовникот има и кристал од сафир отпорен на гребење. „Спидмастер“има проценета пазарна вредност од 5.000 до 10.000 долари, што го прави исплатлива инвестиција за секој колекционер на часовници. Неговата историска важност и дизајн придонесуваат за одржување на висока вредност на секундарниот пазар, додека неговата издржливост и точност го прават сигурен рачен часовник во кој вреди да се инвестира.
„Картие Тенк“
Bloomberg Mercury
Првпат претставен во 1917 година, „Картие Тенк“ (Cartier Tank) е класика која стана икона во индустријата за производство на часовници. Неговиот уникатен дизајн вклучува правоаголно куќиште, впечатливи римски бројки и препознатлива сина круна од сафир. „Тенкот“ го носеа некои од највлијателните личности во историјата, вклучувајќи ги Жаклин Кенеди Оназис, чиј часовник беше продаден за речиси 380.000 долари и принцезата Дијана. Неговата проценета пазарна вредност се движи помеѓу 3.000 и 15.000 долари, во зависност од моделот и состојбата.
„Јегер-Лекултре Реверсо“
Bloomberg Mercury
„Јегер Лекултре Реверсо“ (Jaeger-LeCoultre Reverso) за прв пат беше претставен во 1931 година и е познат по својата единствена реверзибилна кутија. Часовникот е дизајниран за поло играчи, овозможувајќи им да го свртат лицето на часовникот за да го заштитат за време на натпреварите. Неговиот дизајн инспириран од Арт Деко вклучува правоаголно куќиште, впечатливи арапски бројки и копче за мали секунди. Неговата проценета пазарна вредност се движи помеѓу 3.000 и 10.000 долари, во зависност од моделот и состојбата.
„Бреилинг Навитајмер“
Bloomberg Mercury
Станува збор за легендарен пилотски часовник, првично дизајниран во 1952 година, кој стана икона со текот на годините. Станува збор за часовник со хронограф кој има лизгач, што им овозможува на пилотите да вршат сложени пресметки и конверзии при лет. Часовникот се напојува со само-подмачкувачко механичко движење, а неговиот бројчаник има различни компликации, вклучувајќи тахиметар и приказ на датум. Куќиштето и нараквицата се изработени од нерѓосувачки челик, додека кристалот е сафир. Проценетата пазарна вредност на часовникот е околу 6.000 до 8.000 долари, што го прави вреден и баран часовник. Неговата репутација за доверливост и точност, во комбинација со неговиот уникатен дизајн, го прават популарен избор за колекционери и инвеститори.
„Хаблот Биг Бенг“
Bloomberg Mercury
„Хаблот Бинг Бенг“ (Hublot Big Bang) е модерен, храбар и иновативен луксузен часовник кој се здоби со голема популарност во последните години. Направен е од мешавина на материјали, вклучувајќи керамика, титаниум и злато, а неговиот бројчаник има дизајн на скелет кој ја открива сложената внатрешна структура. Часовникот се напојува со автоматско движење и има функција хронограф, како и приказ на датум. Проценетата пазарна вредност на часовникот е околу 15.000 до 20.000 долари, што ја одразува неговата висококвалитетна изработка и материјали. Храбриот дизајн и техничките иновации на часовникот го прават единствена и вредна инвестициска можност.
„ИВЦ Португисер“
Bloomberg Mercury
„ИВЦ Португисер“ (IWC Portugieser) е класичен и софистициран часовник за елегантни пригоди. Неговиот дизајн е инспириран од морските хронометри од 1930-тите и се одликува со чист и минималистички бројчаник со арапски бројки и под-бирач за мали секунди. Часовникот се напојува со автоматско движење и има резерва на енергија до 7 дена. Куќиштето и нараквицата се изработени од нерѓосувачки челик, додека кристалот е сафир. Проценетата пазарна вредност на часовникот е околу 7.000 до 10.000 долари, што го прави вредна инвестициска можност.
„Ролекс Сабмаринер“
Bloomberg Mercury
„Ролекс Сабмаринер“ е еден од најпрепознатливите луксузни часовници некогаш направени. Познат по својот класичен дизајн, висококвалитетни материјали и исклучителна издржливост, „Сабмаринер“ е инвестициски часовник кој го издржа тестот на времето. Тој има богата и интересна историја. Првпат е претставен во 1954 година како часовник наменет за нуркачи. Брзо се здоби со популарност меѓу пошироката јавност поради неговиот елегантен дизајн и прецизното инженерство. Денес, „Сабмаринер“ останува еден од најбараните модели на „Ролекс“, со многу колекционери и ентузијасти кои сакаат да го додадат во нивната колекција. Поради својата популарност и побарувачка, овој часовник има висока вредност на секундарниот пазар, што го прави одлична можност за инвестирање. Користен „Сабмаринер“може да достигне цена од 5.000 до 50.000 долари, во зависност од состојбата, староста и реткоста.
Иако многумина веруваат дека единствената инвестициска опција е купување на нов часовник, часовниците од секундарниот пазар исто така можат да бидат одличен избор, како што покажува индексот на часовници на Блумберг, кој ги следи движењата на цените на овие модели на годишна и месечна основа.
.webp){kind=icon}
Во моментов нема коментари за веста. Биди прв да коментира...