text size
Фустанот што Иванка Трамп го носеше синоќа на инаугуративната гала (на сликата погоре) не е римејк на оној на Одри Хепберн со потпис на високата мода на „Живанши“ (Givenchy Haute Couture). Станува збор за фустан што по нарачка го изработи Оскар де ла Рента за неделата навечер за пред-инаугуративната вечера со свеќи во Националниот музеј за згради во Вашингтон. Брендот реши да објави две слики од Иванка. Веднаш потоа, Инстаграм пламна со коментари како „Фашизам, но модерен“, „Како за време на подемот на нацистите, големите брендови повторно го поддржуваат злото во име на поголем профит“. „Никогаш повеќе нема да носам ОДЛР“ и слично.
Оскар де ла Рента исто така дизајнираше фустани за поранешните први дами, вклучувајќи ги Хилари Клинтон, Џил Бајден и Жаклин Кенеди, кои всушност го направија познат во текот на 1960-тите. Сите тие се сопруги на демократски претседатели. Модниот дизајнер кој го носи името на брендот почина во 2014 година, а по потекло беше од Доминиканската Република. Тој е познат и по изјавата дека модата е неполитичка и непартиска. Дали е навистина така?
Сè останува во семејството. Од лево кон десно: Ерик Трамп, извршен потпретседател на „Трамп организејшн“ (Trump Organization Inc.), Илон Маск, извршен директор на „Тесла“ (Tesla Inc.), Иванка Трамп, поранешен висок советник на Доналд Трамп и Доналд Трамп Џуниор, извршен потпретседател за развој и аквизиции на организацијата „Трамп“ АД, Фотограф: Шон Тју/ЕПА/Блумберг
Доналд Трамп положи заклетва како 47. претседател на САД.
20.01.2025
Пред доаѓањето на Доналд Трамп во Белата куќа, возбудата за промена на власта ја почувствува индустријата за криптовалути.
20.01.2025
Преполната листа на присутни сугерира дека секој што е важен во корпоративна Америка сака да биде виден на настанот.
20.01.2025
Прочитај повеќе
Трамп положи заклетва: Како ќе донесе „златна доба“ за Америка?
Трамп веќе на големо заработува од крипто
Инаугурација: Свечениот настан на кој бизнис елитата ќе го устоличи Трамп 2.0
Претседателот Доналд Трамп го започна својот втор мандат со страсно инаугуративно обраќање во кое вети дека ќе им даде приоритет на американските интереси со „златното доба“ за земјата, а истовремено ќе се судри со „радикалниот и корумпиран естаблишмент“.
Иванка и претходно беше „жртва“ на модни бојкоти поради нејзиниот татко
За тоа придонесе и фактот што беше негова советничка во првиот мандат од 2017 до 2021 година, иако не земала плата. Многумина ја наведуваа нејзината неспособност за настани на високо ниво, прашувајќи се дали нејзината позиција во владата е израз на непотизам. Но, татковата миленичка тогаш имаше други проблеми.
Во 2017 година, модниот синџир „Нордстром“ (Nordstrom) ја исфрли од продажба нејзината линија на облека, додатоци и чевли. Ова се случи откако активисти повикаа на бојкот на продавниците кои работат со семејството на претседателот. Компанијата тогаш го оправда овој потег со наведување на слабата продажба. Во заднина, тоа беше последица од кампањата „Грабни го својот паричник“ (#GrabYourWallet) која ги повикуваше клиентите да ги бојкотираат компаниите кои го поддржуваат семејството Трамп. Кампањата ја започнаа две жени, лути поради навредливите и сексистички коментари на тогашниот претседателски кандидат Трамп за жените кои претходно се појавија во форма на лента позната како „Аксес Холивуд“ (Access Hollywood). Ко-основачката Шенон Колтер повика на бојкот на претседателскиот кандидат, велејќи: „Оние кои гласаа против Доналд контролираат трошоци од 7 милијарди долари“.Само две години претходно, во 2015 година, брендот на Иванка генерираше приход од 100 милиони долари годишно, но во 2017 година годишниот биланс на компанијата беше само 5 милиони долари. Иванка набрзо ја суспендираше својата модна линија, оправдувајќи ја со тоа што била зафатена со нејзината позиција како советничка.
Модните предизвици на Меланија
Во тоа време не беа поштедени ниту брендовите поврзани со нејзината маќеа Меланија. На мета се најде брендот „Долче и Габана“, кој ја облекуваше во неколку наврати, вклучително и кога се сретна со папата Франциск во 2017 година, и кога набргу официјално се пресели во Белата куќа, облечена во блуза од Д&Г и панталони „Бели“ (Bally). Таа беше забележана и во капут Д&Г од 51.500 долари, а Стефано Габана гордо објавуваше слики од Меланија во нивните креации. За да се потсмеваат на критичарите, брендот лансираше маица со многу јасен слоган: #Бојкот Долче и Габана. (#Boycott Dolce & Gabbana&)
Маичката сè уште може да се најде на и-беј (eBay), на пример, по цена значително повисока од почетната, околу 350 долари. Ако слоганот ви звучи познато, тоа е затоа што Бијонсе беше првата што го употреби. Кога планираа да ја бојкотираат по нејзината изведба на „Формејшн“ (Formation) на „Супербол“ (Superbowl) 2016 година, таа ги исмејуваше критичарите продавајќи маици и футроли за телефони „Ја бојкотирам Бијонсе“ на турнејата, по цена од 45 долари. Критичарите веруваат дека ова беше клучен момент во нејзината ПР кампања, која го репозиционираше нејзиниот имиџ во согласност со преовладувачките општествени трендови. Од претходниот модел на апсолутна популарност и допадливост, тој е заменет со поп-култура која фаворизира конфликти и јасно изразување на политичкото мислење.
Но, оваа логика се чини не е применлива за Меланија, бидејќи таа е позната по тоа што избегнува јавно да ги искажува своите политички мислења, за разлика од некои први дами кои отворено ја користеа модата за да испратат порака, како што е Мишел Обама, која соработуваше со значаен број врвни дизајнери.
Меланија Трамп/Извор: Bloomberg Mercury
Првите дами не „позајмуваат“ облека
За официјални настани како државни посети или балови, дизајнерите често донираат облека, која првата дама ја прифаќа во име на американската влада. Откако ќе ги износи, сите донирани парчиња се чуваат во Националниот архив како историски артефакти - не во нејзиниот плакар. Првите дами, исто така, не „позајмуваат“ облека како што прават познатите за црвениот тепих, бидејќи тоа може да покрене етички прашања и да стане проблем за претседателот. Сè што не е подарок обично се купува од лични средства. Сепак, секој моден момент на првата дама обично привлекува големо медиумско внимание, а ПР агенциите веднаш по настанот испраќаат соопштенија за нејзиниот стајлинг. Меланија, сепак, имаше многу потесен круг на дизајнери кои беа подготвени да работат со неа за време на првиот мандат на Трамп отколку нејзините претходнички. Познатите дизајнери јавно ја изразија својата неподготвеност да работат со неа, изразувајќи го на тој начин својот протест против политиката на Трамп. Марк Џејкобс еднаш рече во интервју за ВВД (WWD): „Попрво би ја вложил мојата енергија во помагање на оние кои ќе бидат погодени од Трамп и неговиот клик“.
А некои всушност го направија тоа.
По неговата есенска ревија во 2017 година на модната недела во Њујорк, германско-американскиот дизајнер Роберт Гелер ѝ се поклони на публиката во маица со зборовите „Имигрант“ - порака за солидарност за имигрантите и бегалците кон кои беа упатувани закани во текот на првата недела од првиот мандат на Доналд Трамп.
Иако изјави дека е аполитичен, потегот на дизајнерот предизвика голем одек во јавноста и поради големиот интерес започна производството на маички од кои приходите, како штоп тој одлучи, беа наменети за организацијата АЦЛУ (ACLU). АЦЛУ беше првата што поднесе жалба против забраната за имиграција, што резултираше со суспензија на депортациите кои веќе беа на сила. Само за викендот по усвојувањето на забраната, онлајн донациите за организацијата изнесуваа вкупно 24 милиони долари, што е шест пати повеќе од годишниот просек на донации што ги добиваа до тогаш.
Интересно е и тоа што поранешната манекенка од Словенија е прва сопруга на американски претседател које и самата е имигрант. Таа ја доби зелената карта или постојан престој во 2001 година, непосредно пред да се пресели во зградата Трамп. Како Меланија Кнаус, таа првично влезе во Соединетите Држави со виза Б1/Б2 во 1996 година. Таа добила државјанство врз основа на виза ЕБ-1. Како што објави Вашингтон пост, оваа виза се доделува на поединци кои се исклучително истакнати во нивните области, академици, спортисти и слично, и често се нарекува „Ајнштајн виза“.
Во врска со критиките упатени кон Д&Г, некои медиуми го поставија прашањето: зошто критичарите на политиката и реториката на Трамп против имигрантите воопшто посветуваат внимание на престижниот бренд? Авторката Кони Ванг истакнува дека врската помеѓу лицата коишто би можеле да бидат загрозени од неговите политики и клиентите на „Долче и Габана“ изгледа минимална.
„Ако го земете предвид привилегираниот свет на извршниот тим на „Долче и Габана“ и нивните потрошувачи, кои можат да си дозволат маица од 245 долари, јасно е дека политиката на Трамп веројатно нема да има негативно влијание врз нивните животи“.
Со други зборови, тие имаат удобност што им дозволува реалноста да биде аполитична. „Единственото нешто што вреди да се бојкотира е она што ја загрозува нивната способност да се забавуваат“, вели Ванг.
Но, тоа беше во 2017 година, и тогаш живеевме во многу поинаков свет отколку денес. Денес, очигледно, многу луѓе не се баш расположени за забава. Токму така изгледаше Меланија вчера.
Промена на времињата, менување на првите дами
Меланија го привлекува вниманието со своите модни избори пред и по нејзиното прво влегување во источното крило во 2017 година. Контрастите не ѝ беа непознати. Бесценетата балска тоалета за инаугурација, изработена од креп-материјал од свила боја на ванила, со спуштени раменици, шлиц здолниште, украсни фалти од вратот до половината и лента во боја на кармин околу половината, ја дизајнираше Ерве Пјер во соработка со неа лично. Дизајнерот претходно беше дел од тимот на Оскар де ла Рента и Каролина Херера, а со неа соработуваше многу пред таа да стане прва дама. Фустанот го најде своето место во Националниот музеј на американската историја.
И тогаш таа знаеше како да облече јакна од 39 долари на која пишува „Навистина не ми е гајле, нели?“
Изгледа дека во новата рунда Меланија (или подобро кажано, нејзиниот стилист) се одмаздува бојкотирајќи ги големите модни куќи, одлучувајќи се за помалку познатиот њујоршки дизајнер Адам Липс и шапката на Ерик Џавитс. Многу сериозниот избор на морнарско палто, здолниште и блуза во боја на слонова коска навестуваат дека 54-годишната Меланија овојпат ќе ги прави работите поинаку. Знаеме дека надвор беше многу студено, но студенилото беше присутно и меѓу двајцата сопружници, забележуваат аналитичарите на говорот на телото.
Тие веруваат и дека со големата шапка Меланија сакала да го скрие погледот.
Извор: Bloomberg Mercury
Патем, Националниот музеј на американската историја моментално е домаќин на изложба на која се претставени фустани од речиси 100-годишната колекција на први дами на Смитсонијан, вклучувајќи ги и оние што ги носеле Френсис Кливленд, Лу Хувер, Жаклин Кенеди, Лора Буш и Мишел Обама.
Делот со наслов „Промена на времињата, менување на првите дами“ конкретно ја истакнува улогата на Доли Медисон, Мери Линколн, Едит Рузвелт и Лејди Бирд Џонсон, како и нивниот придонес во администрациите на нивните сопрузи.
Дури и а тие што се аполитични не го негираат долгогодишниот брак меѓу политиката и модата. Во прилог на ова е тврдењето дека дури и да ја негирате модата, тоа е сепак политички став.
Судејќи според семејството Трамп развод нема да има.
.webp){kind=icon}
