Рачно напишаните стихови, корекции, скици и белешки на покојниот пејач додека ги создавал песните „Rock N Roll Suicide“ и „Suffragette City“, пронајдени на албумите „The Rise And Fall Of Ziggy Stardust“ и „The Spiders From Mars“ од 1972 година, може да достигнат цена до 100.000 фунти на аукцијата „Омега“, која се одржува денеска. Оваа британска аукциска куќа претходно продаде страница со рачно напишани стихови на „Starman“ за 165.000 фунти.
Имено, во 1998 година, тој го основа Ултрастар (Ultrastar), со цел „да создаде средина каде што не само неговите обожаватели туку и сите љубители на музиката ќе можат да бидат дел од средина во која може да се пристапи до големи архиви на музика и информации, да се изразат ставови и да се разменуваат идеи“, рече тој тогаш, како што пренесува „Блумберг“. Со цена од 19,99 долари месечно, страницата обезбедува интернет-услуга за претплатниците, обезбедувајќи 20 мегабајти простор за изградба на нивните лични страници, адреса за е-пошта vaseime@davidbowie.com, како и ексклузивна музика и интервјуа. Поевтина опција од 5,95 долари беше достапна за оние што не сакаа да ги променат постојните интернет-провајдери.
Depositphotos
Музичарот исто така беше првиот уметник што во 1997 година воведе иновативен начин за обезбедување и подобрување на неговите авторски права. Обврзниците „Боуви“ од 55 милиони долари, кои денес би биле околу 100 милиони долари, се пионерски пример на обврзници што користеле интелектуална сопственост како основна гаранција.
Главниот имот на обврзниците „Боуви“ се 25 албуми, снимени пред 1990 година, класици како „The Man Who Sold The World“, „Ziggy Stardust“ и „Heroes“. Дејвид Боуви ги искористил приходите од продажбата на обврзниците за да купи стари снимки од неговата музика што биле во сопственост на неговиот поранешен менаџер. Обврзниците беа привлечни за инвеститорите затоа што во тоа време се сметаа за стабилна долгорочна инвестиција, се наведува во анализата на „Фастер капитал“ (Faster Capital). А тука е и психолошкото и емоционалното влијание врз одлуката на инвеститорите што беа привлечени да купат обврзници за да бидат дел од „ѕвездената прашина“ на нивниот омилен музичар. Дополнително, водечките агенции за кредитен рејтинг, како „Мудис“, им дадоа на обврзниците инвестициска оцена, што укажува на низок ризик од неисполнување на обврските.
Меѓутоа, набрзо потоа, порастот на пиратеријата и падот на продажбата на оригинална музика доведоа до намалување на оценката на обврзниците од А3 (седми највисок рејтинг) на Baa3, едно ниво над ефективно безвредниот рејтинг. Обврзниците „Боуви“ беа ликвидирани во 2007 година, а правата на приходите од песните му беа вратени на Боуви. Иако се соочија со предизвици, обврзниците на Боуви го отворија патот за другите уметници да ги истражат алтернативните опции за финансирање, како што се продажбата на музички каталози и фондови за музички права.
По Боуви, многу компании почнаа да се занимаваат со авторските права. Пред една година, „Аполо глобал“ (Apollo Global Management) продаде обврзници засновани на авторските права на „Конкордс“ (Concords Music) во вредност од 1,8 милијарда долари. „Конкордс“ е еден од водечките независни менаџери за приходи за музички права во светот.
.webp){kind=icon}
