.webp){kind=icon}
Монументалната Порта Индија, каде што беше одржана ревијата на „Диор“ во текот на годинава, шопинг-улицата Колаба Козвеј, пештерите Елефанта и иконскиот хотел „Таџ Махал палас“ се само некои од местата што мора да ги посетите ако патот ве однесе до Мумбај. Тоа е најбогатиот град во Индија, кој секоја година пречекува шест милиони туристи, што го прави 30-от најпосетуван град во светот.
Меѓународниот аеродром „Чатрапати Шиваџи Махарај“ во главниот град на државата Махараштра оствари 15,9 отсто од сите пристигнувања на странски туристи во земјата во 2021 година, според „Статиста“.
Depositphotos
Лоциран покрај Арапско Море, Мумбај е комбинација од наследство, култура и гламур. Од историски градби во арт нуво признаени од УНЕСКО до раскошни модерни дворци на супербогатите, Мумбај навидум има сè!
Во видеото подолу репортерката на „Блумберг“ Ники Екштајн ве води на кратко, но значајно патување низ Мумбај.
