Европските авиокомпании се обидуваат да избегнат повторување на патувачкиот хаос од претходната година, кога штрајковите и недостигот на персонал го принуди лондонскиот аеродром „Хитроу“(Heathrow) да го ограничи бројот на патници и да побара од авиокомпаниите да ја ограничат продажбата на билети. Бројот на патници во јули и август се очекува да го надмине бројот што беше пред пандемијата со што постои ризик овие два месеци европските аеродроми да бидат заглавени.
Компанијата за правата на патниците „АирХелп“(AirHelp) анализираше доцнења од повеќе од 15 минути и отажување на 5.000 летови на европските аеродроми. Најлош престапник е лондонскиот „Гетвик “(Gatwick) каде 54 отсто од предвидените летови биле прекинати, додека на аеродромот во Хелсинки биле откажани 18 отсто од вкупно предвидените летови.
На амстердамскиот „Шипхол“ (Schiphol) кој опслужи 72 милиони патници во 2019 година во откажувања биле 36 отсто од летовите, додека на „Хитроу“(Heathrow) низ кој во 2019 година поминале речиси 81 милион патници беа погодени 40 отсто од летовите.
Прочитај повеќе
Европските контролори на летање најавија шестмесечен штрајк
Синдикатот на вработените во Еуроконтрол предупреди на можни штрајкови во екот на летната сезона, раководството веќе започнува преговори со синдикатот за изнаоѓање решение
07.07.2023
„Ер Србија“ во проблеми со авионите, „Туркиш ерлајнс“ е можен спас
„Туркиш ерлајнс“ размислува дали да отвори нов центар во Србија, Казахстан или Индонезија.
21.06.2023
„Рајанер“ очекува профитна летна сезона, билетите се поскапи за 10 отсто
„Рајанер“ објави добивка по оданочување од 1,43 милијарда евра, откако лани имаше загуба од 355 милиони евра.
22.05.2023
Со навремено планирање до поевтин авионски билет
Еден од факторите којшто влијае врз одредувањето на цените е побарувачката
20.05.2023
Анализа: Колку трошат Македонците за авион и каде да летате следниот пат
Во јануари-април годинава бројот на патници е зголемен за 8 отсто во однос на претпандемиската 2019-та.
15.05.2023
Им дојде крајот на евтините летови низ Европа
Веројатно веќе насетувавте дека ерата на апсурдно евтини летови на кратки релации низ Европа е при крај.
24.04.2023
На крајот на месец април американските патници ја зголемиле побарувачката за авио-билети кон Европа за дури 20 отсто споредно со 2019 година според анализите на веб-страницата за резервации за патувања „Хопер“ (Hopper). Покрај растот на побарувачката на билети кон Европа, и цените на билетите од САД кон Европа се зголемени. Според „Хопер“(Hopper) тие се највисоки во последните шест години.
Шпанија како земја се одвои од напливот на туристи. Во мај имаше регистрирано 8,2 милиони посетители, што е за 18 отсто зголемување од 2022 година, и 4 отсто повеќе од истиот период во 2019 година според податоците на Националниот институт за статитсика во земјата. Добрата стратегија за да се реализира непречено патување е резевирање на првиот билет во денот, патување во вторник или среда и директно патување.
Ова се 10-те најлоши европски аеродроми според „АирХелп“(AirHelp):
1. Лондонски аеродром Гетвик (Gatwick )
Нарушени се 54,08 отсто од летовите
2. Лисабонски аеродром Хумберто Делгадо (Humberto Delgado)
Нарушени се 51,04 отсто отсто од летовите
3. Аеродром Каструп во Копенхаген (Kastrup )
Нарушени се 50,88 отсто од летовите
4. Аеродромот во Париз Шарл де Гол (Charles de Gaulle)
Нарушени се 50,6 отсто од летовите
5. Аеродром Анталија (Antalya )
Нарушени се 47, 34 отсто од летовите
6. Истанбул Сабиха Гокчен (Sabiha Gokcen)
Нарушени се 46,85 отсто од летовите
7. Аеродром Рим Фиумичино Леонардо да Винчи (Fiumicino Leonardo da Vinci)
Нарушени се 44,05 отсто од летовите
8. Меѓународниот аеродром Манчестер (Manchester)
Нарушени се 43,78 отсто од летовите
9. Аеродром Милано Малпенса (Malpensa)
Нарушени се 43,66 отсто од летовите
10. Меѓународниот аеродром во Франкфурт
Нарушени се 42,99 отсто од летовите
На ранг листата најдобри европски аеродроми со најмал процент на прекини на летови се меѓународните аеродроми во Дизелдорф, Виена и Мадрид, аеродромот во Осло, „Гардермон“(Gardermoen), аеродромот „Шопен“(Chopin) во Варшава, Барселона-Ел Прат, аеродромот Арланда во Стокхолм, Хивалимани во Истанбул, и аеродромот Берлин Бринденбург.
Bloomberg Mercury
.webp){kind=icon}
