Англиската Премиерлига се смета за најдобра во светот. Таа е дом на суперѕвезди и иконски клубови, кои, за разлика од оние во Американската национална фудбалска лига (НФЛ), се познати низ целиот свет. Освен глобалната слава и фактот дека тие навистина всушност ги користат нозете, постои уште една голема разлика помеѓу овие англиски фудбалски тимови и нивните американски братучеди, а тоа се парите.
Повеќето тимови од Премиерлигата се мачат и иако нивната вредност расте, тоа е само дел од вредноста на тимовите од НФЛ. Иако играат на пазар што потенцијално носи огромни профити и се потпомогнати од големи договори за телевизиски права, публика во 180 земји и растечки број богати инвеститори, тоа не беше доволно за да ги извлече повеќето клубови од минус.
Со сè поголем прилив на американски капитал и обиди за зголемување на приходите, „Блумберг ориџиналс“ (Bloomberg Originals) го поставува прашањето: Може ли Премиерлигата да се американизира?
Прочитај повеќе
Мексико Сити ќе инвестира 250 милиони долари во инфраструктура за СП во фудбал
Наместо за владино рекламирање, ресурсите ќе се искористат за трајни инфраструктурни проекти.
09.05.2025
Двојни правила на игра: Саудиски фондови и англиски спорт
Додека Премиерлигата го прифаќа капиталот од САД и од Катар, саудиското преземање на Њукасл јунајтед разоткри длабока политичка напнатост.
29.04.2025
Фудбалска бизнис-лига – можност и за забава и за заработка
Веќе 15 години најголемите компании во земјава се организирани во неформално натпреварување во мал фудбал.
18.04.2025
Премиерлигата игра на картата на луксузот
Приходите од емитувања стагнираат, додека приходите од комерцијални активности, како што се продажба на брендирани производи и спонзорства, зависат од резултатите што клубот ги постигнува на теренот.
20.04.2025
Лука Модриќ станува косопственик на Свонси Сити
„Возбуден сум што ќе бидам дел од ова патување“, изјави Модриќ.
15.04.2025
Од следната сезона повеќе од половина од клубовите од Премиерлигата ќе бидат целосно или делумно во сопственост на американски инвеститори. Клубовите се исто така во голема мера финансирани од инвеститори од заливските земји. Но, иако бројките изгледаат импресивно на хартија, финансиската реалност е многу посложена.
Во сезоната 2023/2024 само пет клуба успеаја да остварат профит. Вртоглаво растечките плати на играчите, високите трансфери и постојаната закана од испаѓање го отежнуваат водењето клуб од Премиерлигата.
Поради тоа клубовите сè повеќе бараат дополнителни начини за заработка, а еден од нив е инвестирање во ВИП-искуство на денот на натпреварот. Од луксузни стадиони до ексклузивни навивачки искуства, многумина се потпираат на американскиот модел за зголемување на приходите.
На стадиони како оној на Манчестер Сити, луксузните ресторани, барови, хотел и комерцијални простори го менуваат начинот на кој навивачите ги доживуваат натпреварите.
Мини-документарецот „Можете ли да ја американизирате Премиерлигата?“, кој ви го претставува „Блумберг ориџиналс“, истражува како клубовите ги прифаќаат американските влијанија за да преживеат и што би можело да значи тоа за иднината на спортот. Се разговара и со секојдневните навивачи, од кои некои изразија загриженост дека неуморната трка за профит ги остава на маргините.
Тие предупредуваат дека зголемувањето на цените на билетите, зголемениот фокус на премиум седишта и улогата на надворешните агенции за продажба на билети создаваат јаз меѓу клубовите и нивните најлојални навивачи.
.webp){kind=icon}
