Антимонополскиот спор на „Епл“ (Apple Inc.) со Европската Унија поради наводните нелегални практики на платформата за апликации на американскиот производител (App Store) се интензивира откако регулаторите издадоа ново предупредување што може да доведе до повеќе казни - само неколку месеци откако го погодија производителот на ајфони со казна од 1,8 милијарда евра (1,9 милијарда долари) поради попречување на ривалите за стриминг на музика.
Европската комисија во понеделникот соопшти дека „Епл“ мора да им дозволи на развивачите на апликации да ги насочуваат корисниците кон поевтини зделки и понуди надвор од App Store, со цел компанијата да се усогласи со Законот за дигитални пазари на блокот, кој предвидува еден куп одобрувања и забрани за најголемите технолошки платформи во светот.
Регулаторот со седиште во Брисел исто така рече дека отворил нова истрага за новите такси на „Епл“ во App Store што важат за програмерите во ЕУ, за да се испита дали тие се во согласност со легислативата. Застранувањето од законските прописи може да доведе до казни за компанијата - дури 10 отсто од глобалниот годишен приход.
Прочитај повеќе
ЕУ му изрече на „Епл“ казна од 1,8 милијарда евра поради злоупотреби на Еп стор
„Епл“ доби казна поради истрагата за наводите дека на своите платформи ги саботирал конкурентските сервиси за стриминг музика.
04.03.2024
„Епл“ во судир со „Спотифај“, се соочува со казна од речиси 500 милиони евра во ЕУ
Против „Епл“ се води регулаторна истрага за наводите дека ги замолчил ривалите за стриминг на музика.
19.02.2024
Соопштението од понеделникот - што е прелиминарен чекор - следува по сличниот потег што ЕУ го направи против „Епл“ во март врз основа на нејзините стандардни правила за конкуренција.
Регулаторот со седиште во Брисел треба да донесе конечна одлука за случајот до крајот на март 2025 година. Тој потег би можел да започне уште една правна битка меѓу „Епл“ и ЕУ преку судовите на блокот.
„Уверени сме дека нашиот план е во согласност со законот и проценуваме дека повеќе од 99 отсто од програмерите би платиле исти или помали надоместоци кон 'Епл' врз основа на новите деловни услови што ги создадовме“, се наведува во соопштението на „Епл“ како одговор на најавата на ЕУ.
Фокусот на ЕУ за тоа како „Епл“ наводно ја злоупотребува својата доминација во платформата за апликации првично беше предизвикан од жалбата од „Спотифај“ (Spotify Technology SA) во 2019 година. Шведскиот стриминг-сервис тврдеше дека бил принуден да ја зголеми цената на своите месечни претплати за да ги покрие трошоците поврзани со наводното придушување од страна на „Епл“ на неговата платформа за апликации.
Според Законот за дигитални пазари, незаконски е одредени сервиси што се управувани од компании како „Епл“, „Гугл“ (Google), „Мета“ (Meta Platforms Inc.), „Мајкрософт“ (Microsoft Corp.) и „Амазон“ (Amazon.com Inc.) да ги фаворизираат своите услуги пред оние на ривалите. Ним им е забрането да употребуваат лични податоци низ нивните различни сервиси, забрането им е да користат податоци што ги собираат од трговци од трети страни за да се натпреваруваат против нив и треба да им дозволат на корисниците да преземаат апликации од ривалските платформи.
„Епл“ во посебна објава во петокот го обвини Законот за дигитални пазари за запирање на ширењето на неговите технологии за вештачка интелигенција во 27-члената ЕУ.
Компанијата соопшти дека ќе го блокира издавањето услуги како Епл интелиџенс (Apple Intelligence), Ајфон мироринг (iPhone Mirroring) и Шерплеј скрин шеринг (SharePlay Screen Sharing) од корисниците во ЕУ оваа година, бидејќи законот наводно ја принудува да ја намали безбедноста на своите производи и услуги.
.webp){kind=icon}
