Деловниот свет воведува правила за употреба на ЧетГПТ

Речиси половина од лидерите за човечки ресурси, анкетирани од консултантската фирма „Гартнер“ изјавиле дека се во процес на формулирање насоки за користењето на четботот за вештачка интелигенција ЧетГПТ од страна на вработените.

Како ќе изгледаат тие политики?Истражувањата покажуваат дека на крајот тие може да бидат многу различни. Некои фирми од Волстрит, како „Бенк од Америка“ и „Голдман Сакс“го забранија четботот, додека гигантот за хеџ фондови „Цитадел“ го дозволи.

Во исто време, една третина од лидерите за човечки ресурси анкетирани од „Гартнер“ рекоа дека не планираат никакви правила за користење на ЧетГПТ дури и покрај тоа што експертите изразија загриженост за можно кршење на авторските права и злоупотреба на приватноста и ги предупредија корисниците за тенденцијата на четботот понекогаш едноставно да измислува работи.

Над 40 проценти од професионалците анкетирани од „Фишбоул“, социјална платформа во сопственост на сајтот „Гласдор“, користеле ЧетГПТ на работа. Развивачи на софтвер, консултанти и банкари се меѓу првите кои ја користеле алатката за пишување е-пошта и извештаи. Според истражувањето, повеќето експериментирале со алатката без да им кажат на нивните шефови.

Фирмите од Волстрит почнаа да се борат. Покрај „Бенк од Америка“ и „Голдман Сакс“, и „Ситигруп“, „Дојче банк“, „Велс Фарго“’ ја забранија употребата на ЧетГПТ. Но, тие се малцинство: досега, само 3 проценти од лидерите за човечки ресурси анкетирани од „Гартнер“ рекоа дека го забраниле ЧетГПТ за која било деловна цел.

Други, како „Цитадел“, одат во спротивна насока, преговарајќи за добивање лиценца за алатката.

„Оваа гранка на технологијата има вистинско влијание врз нашиот бизнис“, изјави милијардерот Кен Грифин, основач на компанијата за „Блумберг“.

„Сè, од помагањето на нашите програмери да напишат подобар код до преведувањето софтвер меѓу јазиците за да анализираат различни видови информации што ги анализираме во вообичаениот тек на нашиот бизнис“, вели тој.

Во меѓувреме, корпорацијата „Мајкрософт“ дебитираше со својот обновен пакет апликации на „Офис“, интегрирајќи го новиот модел на вештачка интелигенција ГПТ-4 во Ексел, ПауерПоинт, Аутлук и Ворд. Софтверот моментално се тестира со 20 компании, вклучително и осум од „Форчн 500“, кои „Мајкрософт“ одби да ги именува.

Фирмите кои работат на правилата околу употребата на генеративната вештачка интелигенција најверојатно се‘ уште се во фаза на истражување, според Есер Ризаоглу, виш директор во „Гартнер“.

„Тие веројатно се прашуваат колку насоки, како потенцијално да го користат и дали треба целосно да го забранат или не“, рече Ризаоглу.

„Многу лидери работат со ИТ, правните служби и ревизијата за да разберат: Кои се ризиците, кои се потенцијалните влијанија? И каков пристап да имаат?“, додава тој.

Во исто време, една третина од лидерите за човечки ресурси анкетирани од „Гартнер“ рекоа дека не планираат да креираат политики за користење на ЧетГПТ од страна на вработените. Ризаоглу рече дека тоа може да биде затоа што новата технологија може да биде ирелевантна за нивната организација и индустријата во која се, или веруваат дека тоа е само минлив тренд.

Другите анкетирани од „Гартнер“ се на средината на патот, ниту го забранија, ниту го игнорираат четботот, но го предупредија персоналот дека одговорите на четботот не се нужно сигурни или доверливи и дека може да се анализираат за да се види дали е применета вештачка интелигенција за да се генерира содржина.

Сепак, имајќи ги предвид ризиците за точноста, безбедноста на податоците и приватноста, „вредно би било да се процени кои се потенцијалните ризици за организацијата и соодветно да се стават некои насоки за да се осигура дека организацијата ги ублажува сите ризици што би можеле да се појават подоцна. “, рече Ризаоглу.

Во моментов нема коментари за веста. Биди прв да коментира...

Остави коментар