Извршниот директор на „Тесла“, Илон Маск, ги тужеше „Опен-еј-ај“и нивниот извршен директор Сем Алтман за наводно прекршување на нивната основачка идеја за развој на вештачка интелигенција (ВИ) во корист на човештвото. Според мислењето на Маск, тие наместо тоа го ставаат профитот на компанијата на прво место.
Ова доаѓа еден ден откако глобалните медиуми објавија дека Соединетите Американски Држави (САД) истражуваат дали инвеститорите во Опен-еј-ај“ биле заведени, додека стартапот минуваше низ жестока дебата за раководството на компанијата минатата година. Да потсетиме, „ЧетГПТ“ на Опен-еј-ај“ ја започна тековната трка во однос на усвојување на вештачка интелигенција во сите индустрии и услужни сектори, при што„ Мајкрософт “ инвестираше повеќе од 10 милијарди долари во своето партнерство со овој стартап.
Bloomberg
Во тужбата поднесена во САД во четвртокот се наведува дека Маск (кој, патем, учествувал во основањето и финансирањето на Опен-еј-ај“, но веќе нема удел во него) одамна признал дека вештачка општа интелигенција претставува сериозна закана за човештвото - можеби најголемата егзистенцијална закана со која се соочуваме денес, додека „другите го гледаат како извор на профит и моќ“. Се додава дека Алтман наводно споделил загриженост со Маск за заканата што ја носи оваа технологија.
Документот, исто така, вели дека основачкиот договор на Опен-еј-ај“ потврдува дека нејзината технологија ќе биде од корист за јавноста и дека корпорацијата ќе се стреми да ја отвори технологијата за јавна корист кога е можно. „Корпорацијата не е организирана за приватна корист на ниту едно лице“, се наведува во тужбата.
Адвокатите на Маск тврдеа дека фокусот на Опен-еј-ај“ на максимизирање на профитот за „Мајкрософт“ го прекршува тој договор.
Bloomberg Mercury
„ГПТ-4 е целосно затворен модел. Внатрешниот дизајн на ГПТ-4 останува тајна и никаков код не е објавен“ и „ГПТ-4 затоа е спротивно на „отворената вештачка интелигенција““, се заклучува. Според образложението од тужбата, до затворањето дошло од комерцијални причини. „Мајкрософт сака да направи богатство продавајќи го ГПТ-4 на јавноста, што не би било возможно ако „Опен-еј-ај“- како што требаше да направи - ја направи технологијата достапна за јавноста без ограничувања.
„Опен-еј-ај“„категорично не се согласува“ со тужбата што Илон Маск ја поднесе против компанијата, се вели во интерен меморандум испратен до вработените во стартапот за вештачка интелигенција.
Главниот директор за стратегија на Опен-еј-ај“, Џејсон Квон, го отфрли предлогот на Маск дека стартапот е „де факто подружница“ на инвеститорот „Мајкрософт“ и рече дека тврдењата на милијардерот „може да потекнуваат од жалењето на Илон што не бил вклучен во компанијата денес“, се вели во копија од белешката добиена од „Блумберг њуз“.
Во посебен меморандум, кој исто така го виде „Блумберг“, Алтман го нарече Маск свој херој и рече дека му недостига личноста што ја познава и која се натпреварува со другите со градење подобра технологија.
„Опен-еј-ај“ одби да ја коментира тужбата или двете белешки.
.webp){kind=icon}
