„Опен еј-ај“ (OpenAI) лансира нова алатка што се базира на вештачка интелигенција, а е дизајнирана да врши долгорочно онлајн истражување, почнувајќи од сложени научни прашања до препораки за автомобили, со што го проширува опсегот на агенти со вештачка интелигенција што извршуваат задачи во име на корисниците.
Услугата „Дип рисрч“ (Deep Research) на „Опен еј-ај“ ќе им биде достапна на премиум претплатниците преку четбот на ЧетГПТ, соопшти компанијата во својот неделен извештај. Оваа напредна алатка, по барање на корисникот, ќе анализира текстуална содржина, слики и ПДФ (PDF) на интернет, како и кориснички датотеки, за да се подготви детален извештај. „Опен еј-ај“ ја споредува оваа функционалност со работата на истражувачки аналитичар, истакнувајќи дека може да заврши задачи за „само десет минути“, за што на човечкиот аналитичар би му биле потребни „многу часови работа“.
„Дип рисрч“ е вториот агент за вештачка интелигенција што „Опен еј-ај“ го лансира годинава. Минатиот месец компанијата воведе оперативен асистент што им овозможува на корисниците да резервираат авионски билети, да планираат купување намирници и да ги комплетираат купувањата преку интернет. И двете услуги првично се достапни исклучиво за корисници што плаќаат месечна претплата од 200 долари за неодамна претставениот пакет „ЧетГПТ про“.
Прочитај повеќе
„Дипсик“ со критична грешка, откриени лозинки и чувствителни разговори
Истражувачите на „Виз“ открија незаштитена база на податоци поврзана со „Дипсик“, која била достапна без автентикација...
31.01.2025
Вештачката интелигенција е жедна за струја, ќе го промени ли тоа „Дипсик“?
„Дипсик“ го потресе енергетскиот пазар откако неговиот модел со вештачка интелигенција ги оспори долгогодишните процени за потрошувачката на енергија.
30.01.2025
„Дипсик“ или како Кина развива своја вештачка интелигенција
Со пробивот на Дипсик, се поставува прашањето дали кинескиот претседател во својата новогодишна порака алудирал токму на него.
30.01.2025
„Алибаба“: Имаме вештачка интелигенција што ги надминува „Опен еј-ај“ и „Гугл“
Нов играч во вештачката интелигенција – по „Дипсик“, сега „Алибаба“ најавува уште помоќен модел.
29.01.2025
Дали „Дипсик“ украде технологија на „Опен еј-ај“?
Се истражува дали група поврзана со развојот на стартапот „Дипсик“ стекнала технолошки тајни на „Опен еј-ај“.
29.01.2025
Воведувањето на овие услуги е дел од пошироката иницијатива на технолошките компании да развијат агенти и софтвер за вештачка интелигенција што можат самостојно да извршуваат сложени задачи со минимален надзор низ повеќе чекори. „Мајкрософт“ (Microsoft), кој го поддржува „Опен еј-ај“, и неговиот конкурент „Антропик“ (Anthropic) претставија свои верзии на софтвер за агенти, како и многу стартапи. Компаниите очекуваат ваквите алатки да им заштедат време на корисниците во лични и професионални активности, исполнувајќи го долгогодишното ветување дека вештачката интелигенција ќе ја зголеми продуктивноста на човекот.
Извршниот директор на „Опен еј-ај“, Сем Алтман, веќе изјави дека агентите ќе го претставуваат „следниот голем пробив“ во развојот на вештачката интелигенција. Оваа трка дополнително се интензивира поради сè појасните индикации дека четботови од кинеските компании, како „Дипсик“ (DeepSeek), брзо ги достигнуваат водечките американски компании за вештачка интелигенција, вклучувајќи ја и „Опен еј-ај“.
Креаторот на ЧетГПТ предупредува дека „Дип рисрч“ сė уште е во рана фаза на развој и може да претстави измислени информации како факт. Тој исто така може да има тешкотии да ги разликува вистинитите од лажните информации.
Според „Опен еј-ај“, оваа алатка за истражување бара моќни процесорски и мемориски ресурси за обработка на информации. Во почетната фаза корисниците ќе бидат ограничени на сто барања месечно.
„Опен еј-ај“ планира да ја прошири достапноста на услугата до други премиум корисници во иднина, вклучувајќи ги и претплатниците на пакетите „Плус“ (Plus), „Тим“ (Team) и „Ентерпрајс“ (Enterprise), но компанијата не прецизира временска рамка.
.webp){kind=icon}