Рекордни приноси на американските обврзници

Распродажбата на американскиот пазар на обврзници продолжи во текот на вчерашниот ден доведувајќи ги десетгодишните приноси на највисоко ниво во последните 16 години. Главната причина за растот е отпорноста на економијата што ги зголеми очекувањата на инвеститорите дека каматните стапки ќе останат покачени дури и откако Федералните резерви ќе престанат со зголемувањето.

Притисок за продажба има за типичните државни обврзници, како и кај оние што обезбедуваат дополнителни исплати за покривање на инфлацијата, сигнализирајќи дека сопствениците на обврзници се подготвуваат за ризикот дека монетарната политика ќе остане затегната бидејќи централната банка сака да спречи повторно забрзување на инфлацијата.

Приносот на 10-годишните обврзници заштитени од инфлација вчера се искачи над два проценти за прв пат од 2009 година. Кратко потоа, приносот на 10-годишните обврзници без заштита од инфлација го надмина врвот од октомври, искачувајќи се за речиси 10 базични поени на дури 4,35 проценти, ниво последен пат забележано кон крајот на 2007 година.

Приносот на двегодишните хартии од вредност кои се чувствителни на монетарната политика, исто така, накратко се зголеми над пет проценти доцна во трговскиот ден во Њујорк, што е многу повеќе од досегашните врвовите во 2023 година забележани на почетокот од минатиот месец и во март.

Скоковите ја продолжуваат големата промена на пазарот на обврзници во текот на изминатите две недели откако шансите за рецесија се намалија, а големите федерални буџетски дефицити ја зголемија понудата на обврзници. Тоа ги поттикна инвеститорите нагло да ги подигнат стапките на долгорочните обврзници, кои паднаа длабоко под оние на краткорочните поради стравувањата дека економијата е подготвена за контракција.

Bloomberg

Аналитичарите велат дека неодамнешните потези се преувеличени од лесната ликвидност на крајот на летото и намалениот обем на тргување во текот на вчерашниот ден.

„Потегот повисоко низ кривата во последните неколку недели навистина беше на страната на реалниот принос“, рече Захари Грифитс, виш стратег со фиксен приход во „Кредит Сајтс“ (CreditSights), повикувајќи се на „политиките за зголемување на стапките на ФЕД или очекувањата за поголем раст, со мала промена на очекувањата за инфлацијата“.

Приносот на 10-годишните обврзници приспособени кон инфлацијата нагло се зголеми од околу 1,5 проценти во средината на јули и нешто над еден процент претходно оваа година. 30-годишниот реален принос вчера се зголеми за два базични поена на 2,11  проценти.

Ваквите движењата ги подгреаа очекувањата дека американскиот пазар на обврзници ја затвора вратата за ултра ниските стапки од ерата на постфинансиската криза,  предвидувајќи дека ФЕД ќе ги држи каматните стапки покачени подолго отколку што очекуваа пазарите. Овој тренд продолжува иако трговците со свопови сè уште ценат дека ФЕД најверојатно ќе заврши со зголемувањето на стапката и ќе ја олесни политиката следната година.

„Економските податоци кои постојано се подобри од очекувањата направија да размислуваме за нова реалност што не сме ја имале подолго време, каде што стапките потенцијално би можеле да бидат прилично повисоки долго време“, рече Грифитс. „Тоа е главната причина за зголемувањето на приносите “.

Инвеститорите во обврзници се подготвуваат за претстојните аукции на 20-годишни обврзници и 30-годишни ТИПС, кои имаат помали основи на инвеститори од другите државни хартии од вредност. Побарувачката ќе биде внимателно следена за какво било навестување дека сегашната рута е при крај, или можеби има дополнителен простор за трка.

Новото задолжување е во пресрет на годишниот собир на Банката на федерални резерви во Џексон Хол, при што пазарот предвидува дека претседателот Џером Пауел, кој ќе зборува во петок да се заложи за зголемување на каматите.