Акциите на најголемите европски берзански индекси ја завршија неделата со загуби, а во центарот на вниманието повторно беа пораките на централните банкари од САД и од еврозоната.
Најпрво дојде пораката на претседателот на ФЕД, Џером Пауел, кој повтори дека засега не може да се исклучи дополнително зголемување на каматните стапки од страна на американската централна банка.
„Доколку е соодветно дополнително да се заостри политиката, нема да се двоумиме да го сториме тоа“, рече Пауел во воведниот говор подготвен за панел-дискусија на конференцијата на Меѓународниот монетарен фонд (ММФ) во Вашингтон.
Bloomberg
„Сепак, ќе продолжиме да чекориме внимателно и ќе ја разгледаме можноста дека погрешно сме постапувале со неколкумесечните добри податоци, како и можноста дека сме претерале со затегнувањето“, додаде тој.
Пауел рече дека официјалните лица се посветени да се погрижат каматните стапки да бидат доволно високи за да ја вратат инфлацијата на целта од два проценти, но додаде дека не се уверени дека го постигнале тоа.
Приближно истите пораки дојдоа и од претседателката на Европската централна банка (ЕЦБ) Кристин Лагард.
Таа наведе дека задржувањето на пасивните камати на сегашните четири проценти треба да биде доволно за да се ограничи инфлацијата, но додаде дека функционерите ќе размислат за повторно зголемување на каматната стапка доколку е потребно.
„Доколку доволно долго го задржиме нивото на кое сме сега, за што може да се разговара, значително ќе придонесе за намалување на инфлацијата кон целта од два проценти. Доколку се појават нови големи шокови, во зависност од нивната природа, би морале да ја преиспитаме нашата позиција“, рече Лагард на состанокот организиран од „Фајненшл тајмс“.
Bloomberg Mercury
Новите податоци покажуваат дека октомвриската инфлација во еврозоната забавила на 2,9 отсто, што е најниска годишна стапка во последните две години. Конфликтот на Блискиот Исток може повторно да ја зголеми цената на нафтата, а властите сега внимателно го следат тоа.
„Мораме внимателно да следиме како се движат цените на енергијата. Не смееме да ја земаме оваа респектабилна сума од 2,9 отсто здраво за готово како достигнување на долг рок“, рече Лагард.
Bloomberg Mercury
Што се однесува до статистиката, Обединетото Кралство избегна рецесија, а економскиот раст во Британија стагнирал во третиот квартал. Дополнително, индустриското производство во оваа земја нема напредок, но не забележа пад ниту во септември.
Францускиот CAC 40 и британскиот FTSE 100 забележаа пад од 0,96, односно 1,28 отсто, додека германскиот DAX загуби 0,77 отсто од вредноста во однос на претходниот ден.
.webp){kind=icon}
