Трговец кој заработи милијарди во кризата од 2008, сега купува фунти

Поранешен менаџер на хеџ фондови, кој се прослави со добивка од 2,7 милијарди долари од тргување во текот на глобалната финансиска криза, сега купува фунти кога валутата падна на историски најниско ниво.

Стефан Дигл искористи 10 проценти од уделот во еден од своите фондови за да купува фунти за финансиски инвестиции во Велика Британија, особено за инвестиции во акции на компании кои имаат заработка во долари, но чии трошоци се во британската валута.

„Не велам дека тргувањето е ниско, никој тоа не го знае. Но, фунтата во моментов е значајно евтина споредено со последните години“, вели инвеститорот.

Вредноста на фунтата дополнително се намалува и поради тоа што британскиот канцелар Кваси Квартенг најави ново намалување на даноците, ризикувајќи со тоа да се зголеми стапката на инфлација и да порасне државниот долг. Фунтата потона најмногу од март 2020 година, почетокот на пандемијата.

Дигл во 2001 година го основаше инвестицискиот фонд „Artradis Fund Management Pte.“, чие што име особено се прослави во 2007 и 2008 година. Подоцна фирмата мајка на тој инвестициски фонд „Vulpes Investment Management Pte“ инвестираше во биотехнолошки потфати, инвестираше и во авокада на Нов Зеланд, во германски компании за недвижнини и во европски компании за вооружување, чии акции пораснаа со руската инвазија над Украина.

Инвестицијата во фунти не е само опортунитетно тргување со валути бидејќи компаниијата има инвестиции во Велика Британија за кои што се потребни фунти, напиша Дигл.

Односот на долгот и бруто домашниот производ на Велика Британија е понизок од поголемиот дел држави од Г7, што на владата и дава одреден простор за такво попуштање, рече Дигл. „Ми се допаѓа намалувањето на даноците, кои во Велика Британија се превисоки и веројатно го гушат растот“, смета Дигл.