„Спејс екс“ ќе кани големи инвеститори на разгледување на погоните пред ИПО-то

„Спејс екс“ (SpaceX) се подготвува да ги однесе потенцијалните инвеститори во својата иницијална понуда на акции (ИПО) на турнеја низ водечките локации на компанијата во Америка, велат луѓе запознаени со плановите. Да потсетиме, компанијата за ракети, сателити и вештачка интелигенција  на милијардерот Илон Маск се стреми кон најголемото деби на берза во историјата.

„Спејс екс“  сака да ги претстави објектите во Калифорнија и Тексас во текот на неколку дена во посети за инвеститори кои би можеле да земат големи удели во ИПО-то, како што се државни инвестициски фондови, хеџ фондови, и др., велат изворите.

Компанијата планира да изнајми авион од Њујорк во наредните недели за посети на инвеститори кои би можеле да го вклучат и Мисисипи - каде што „Екс еј ај“ (xAI) гради огромен кампус на центар за податоци, рече еден од бриферите.

Jamie Kelter Davis/Bloomberg

 

„Спејс екс“ доверливо поднесе барање за јавна понуда и се стреми да собере до 75 милијарди долари со евалуација на компанијата од повеќе од 2 билиони долари, објави „Блумберг Њуз“, што би било најголемото ИПО на сите времиња. Голем број советници околу процесот работат деноноќно, рече друго лице, кое побара да не биде идентификувано бидејќи информациите не се јавни.

Подготовките за ИПО-то  предизвикаа досега невидена медиумска хистерија за која некои менаџери не се воодушевени. Главниот финансиски директор Брет Џонсен им рекол на банкарите дека е незадоволен од протекувањето детали за плановите за ова мега ИПО, рекоа некои од луѓето. Џонсен ги потсети банките што работат на понудата дека информациите треба да останат доверливи, рекоа тие.

Во интерен и-мејл во декември, „Спејс екс“ им кажа на вработените дека компанијата влегува во период на мирување што се однесува до регулаторните обврски и дека вработените треба да се воздржат од коментирање или дискутирање за ИПО-то, вклучително и теми како што се растот или вреднувањето на фирмата, во согласност со правилата на Комисијата за хартии од вредност на САД, рекоа луѓе запознаени со ова прашање.

Компанијата се спрема да биде домаќин на аналитичарите подоцна во текот на месецов, рекоа луѓе запознаени со ова прашање. Се очекува „Спејс екс“ јавно да поднесе барање подоцна во мај за ИПО пред да започне со формалниот маркетинг во неделата од 8 јуни, рекоа некои од луѓето. Се очекува ИПО-то да ја одреди цената во неделата од 15 јуни, рекоа тие.

Деталите за посетите на локацијата и клучните датуми може да се променат и не се донесени конечни одлуки, рекоа луѓето. Некои од датумите беа објавени претходно од Ројтерс. Претставник на „Спејс екс“ не одговори веднаш на барањето за коментар.

„Спејс екс“ ги избра „Банката на Америка“ (Bank of America Corp.), „Ситигруп“ (Citigroup Inc.), „Голдман Сакс“ (Goldman Sachs Group Inc.), „ЏПМорган Чејс“ (JPMorgan Chase & Co.) и „Морган Стенли“ (Morgan Stanley) за водечките улоги на при спроведувањето на ИПО-то, велат луѓе запознаени со ова прашање, а  додадени се и други банки во списокот.