.webp){kind=icon}
„Тојота“ (Toyota Motor Corp) објави профит во третиот квартал што ги надмина процените, но ја задржа својата конзервативна перспектива за профит наспроти тврдоглавиот недостиг од компоненти. Добивката за фискалниот квартал што заврши со декември се зголеми за 22 процента, на 7,3 милијарди долари во однос на претходната година, надминувајќи ја просечната проекција на аналитичарите за 5,68 милијарди долари. За фискалната година што завршува во март, оперативната добивка е на пат да достигне 18,27 илјади милијарди долари, што е во согласност со претходната прогноза, соопшти утрово компанијата.
„Тојота“ се држи до својата перспектива наспроти зголемените цени на материјалите и енергијата, дури и откако кварталниот профит имаше корист од зголемените количества и послабиот раст на приходите. Компанијата настојува брзо да ги процени алтернативните полупроводници и да одговори на промените во дизајнот за да обезбеди стабилни набавки, нагласувајќи го постојаниот недостиг од автомобилски чипови, што ја кочи глобалната индустрија. И покрај тоа, производителот на автомобили остана на својата прогноза за производство од 10,4 милиони единици.
„Заработката во третиот квартал се очекуваше да биде висока, но можеби не толку многу“, рече Тацуо Јошида, аналитичар на „Блумберг интелиџенс“ (Bloomberg Intelligence). „Врз основа на ниските очекувања на „Тојота“ за доларот и еврото, како и напорите за намалување на трошоците, оперативниот профит веројатно ќе ги надмине изгледите за фискалната година“, додаде тој.
„Има простор за движење нагоре“, рече Јошида.
Акциите на „Тојота“ ги анулираа загубите и, по објавата на резултатите, пораснаа за 1,3 отсто. Тие, всушност, пораснаа за околу шест проценти оваа година, по падот од 14 отсто во 2022 година.
Продажбата за 12-те месеци, заклучно со март, ќе изнесува 274 илјади милијарди долари, што е во согласност со претходната прогноза, соопшти компанијата. За последниот квартал, приходите се зголемија за 25 проценти, на 74 илјади милијарди долари.
По 14 години на чело, главниот извршен директор Акио Тојода се подготвува да стане извршен претседател и во април да му ја отстапи својата сегашна функција на Коџи Сато, кој раководи со одделот за луксузни автомобили „Лексус“ (Lexus). Освен што ќе го задржи производството непроменето, додека и натаму има недостиг од делови и полупроводници, Сато ќе мора да ја води „Тојота“ во нова ера на електрификација и возила без возач.
Сато ќе ја преземе одговорноста додека производството закрепнува од карантините предизвикани од ковид, проблемите во синџирот на снабдување и недостигот од компоненти. „Тојота“ очекува производството да ги надмине нивоата пред пандемијата во 2023 година, прогнозирајќи склопување дури на10,6 милиони возила. Во исто време предупреди дека конечните испораки би можеле да бидат за 10 проценти пониски доколку не може да набави доволно делови, особено чипови.
„Тојота“ неодамна го зацврсти статусот на најголем светски производител на автомобили веќе трета година по ред, со продадени 10,5 милиони единици во 2022 година, зголемувајќи ја својата предност пред „Фолксваген“ (Volkswagen AG).
Иако слабиот јен им помага на јапонските производители на автомобили да ја зголемат конкурентноста на возилата што се продаваат во странство и вредноста на заработката вратена дома, тие не добиваат толку голема корист како порано, бидејќи послабиот јен исто така ги зголемува увозните трошоци за суровини и енергија.
