Илон Маск најави промена на логото на „Твитер“

Сопственикот на „Твитер“ (Twitter) Илон Маск најави менување на логото на апликацијата, како што стои во неговата објава на социјалната мрежа „Твитер“, ќе се ослободи од птиците кои долго време беа заштитен знак на компанијата. Милијардерот твитна блескав Х на „Твитер“ и напиша: „Ако вечерва биде објавено доволно добро лого X, утре ќе го објавиме низ целиот свет“.

 

 

 

„Наскоро ќе се збогуваме со брендот Твитер и, постепено, со сите птици“, рече тој.

Маск ја презеде улогата на извршен директор на „Твитер“  во октомври претходната година по завршувањето на аквизицијата од тешка 44 милијарди долари. За помалку од една година, Илон Маск го сврте целиот „Твитер“ наопаку, го смени менаџментот, отпушти голем број вработени и ја „подобри“ политиката за управување со содржината. Неговите потези наидоа на различни реакции  - некои предупредуваат за длабоко вкоренети проблеми во компанијата, други за промени во однос на слободата на говорот.

„Твитер“ исто така беше финансиски погоден. „Приходите од реклами во компанијата со седиште во Сан Франциско се намалени за 50 отсто“, рече Маск во март, а неодамна ја ангажира Линда Јакарино, извршна директорка на  „НБС јуниверзал“ (NBCUniversal), да се обиде да ги подобри односите со брендовите.

Како една од низата промени превземени од „Твитер“ е ограничувувањето на тоа колку твитови дневно можат да гледаат корисниците, мерка што Маск ја нарече „привремена“ за да се спречи кражба на податоци и ботови. Тие ограничувања се само последниот потег што ги натера корисниците на „Твитер“ да бараат алтернативи.