Данокот на солидарност оспорен пред Уставен суд

Најголемата комора во земјава поднесе Иницијатива до Уставниот суд за оценување на уставноста на Законот за солидарен данок. Целта на иницијативата, како што соопшти комората е заштита интересите на членките.

„За да укаже на основните процедури и принципи на работа што мора да се почитуваат, Стопанската комора на Северна Македонија ја поднесе Иницијативата за поведување на постапка за оценување на уставноста на Законот за данок за солидарност пред Уставниот суд на РС Македонија, со предлог за донесување на Решение за запирање на извршувањето на поединечните акти и дејствија донесени врз основа на оспорениот Закон, до донесување на конечната одлука“, стои во соопштението од Комората.

Од Стопанската комора велат дека оваа Иницијатива ја обедини целата бизнис заедница, што е редок позитивен пример. „Со неа, преку аргументиран пристап, бизнисот бара да се обезбеди гаранција на правната сигурност, како составен дел на принципот на владеење на правото што е неопходен во процесот на работењето на компаниите“.

 „Сакаме уште еднаш да потврдиме дека бизнисот е целосно усогласен во однос на забелешките кон Законот за данок за солидарност, кои се поддржани и од највисоките органи и тела на Комората, предводени од Клуб 100, а поддржани и од Управниот одбор, Надзорниот одбор, од Собранието на Комората, Советот на странски инвеститори и од другите бизнис-организации“, соопштија од Кабинетот на претседателот на Комората, Бранко Азески.

 

 

Во моментов нема коментари за веста. Биди прв да коментира...

Остави коментар