„Стелантис“ (Stellantis NV) побара од своите автоинженери да се вратат назад во канцеларија, менувајќи ја тактиката што главниот извршен директор Карлос Таварес ја користеше за да ги намали трошоците во компанијата, па се залагаше за работа оддома, процес што почна во екот на пандемијата. Инженерите требаше да работат на работното место најмалку три дена во неделата и тоа почна од јануари, но некои дури и шест дена, кога се воведувал нов автомобил, изјави Нед Ќуриќ, кој раководи со инженерството и технологијата во компанијата.
„Невозможно е да се конструираат возила од далечина“, рече Ќуриќ во интервјуто во Обурн Хилс, Мичиген. „Морате да ги имате луѓето заедно. Мора да правите сесии за дизајн, инженерски сесии и доградби заедно. Тоа ни помага да забрзаме голем број проекти“.
„Стелантис“ се залагаше за работа на далечина во последниве години, а во тој процес драстично го намали канцеларискиот простор и продаваше недвижен имот. Работничките синдикати го критикуваа интензитетот на притисокот, велејќи дека работниците често се охрабруваат да се држат настрана што е можно повеќе. Политиката е дел од строгиот притисок на Таварес за ефикасност, кој ја наведе интензивната конкуренција од кинеските производители на автомобили за укинување работни места во некои земји, вклучувајќи ги Италија и Франција.
Прочитај повеќе
„Стелантис“ ја покажа „фиат гранде панда“ што ќе се произведува во Србија
Овој автомобил е дизајниран во Торино, по примерот на „пандата“ од осумдесеттите години на 20 век.
17.06.2024
ББА-анализа: Какви се транзициските предизвици на автомобилската индустрија?
Кинескиот модел на вертикална интеграција и агресивните субвенции им дадоа на нејзините производители огромна ценовна предност.
03.06.2024
„Мерцедес“ и „Стелантис“ блиску до задолжување од 4,4 милијарди евра за батерии
Конзорциумот за батерии предводен од „Стелантис“ и „Мерцедес-бенц“ е блиску до собирање 4,4 милијарди евра.
09.02.2024
Електричната „панда“ ќе се произведува во Србија - со двојно помалку работници
Во оваа фабрика би требало да работат околу 1.500 луѓе, што е речиси половина од бројот на ангажирани кога таму „Фиат“ ги правеше „фиат 500 Л“.
04.12.2023
Производителот во 2022 година соопшти дека неговата политика за работа на далечина станала постојана, дозволувајќи им на работниците што не се ангажирани во склопување да работат оддома 70 отсто од времето, додека неколку други компании бараа персоналот почесто да се враќа во канцелариите од крајот на заклучувањето поради ковид-19 . Самиот Таварес работи од својот дом во Португалија околу една недела месечно.
„Работата на далечина е многу флексибилна во рамките на 'Стелантис', во зависност од потребата да се работи повеќе или поретко физички заедно“, рече портпаролот на компанијата. „Постои посебно делегирање до раководството за да се воспостават услови за најдобри можни перформанси“.
Ќуриќ, поранешен извршен директор на „Мајкрософт“ и „Амазон“, кој му се придружи на „Стелантис“ во 2021 година, ги реорганизира инженерските операции на производителот уште откако неговата улога беше проширена минатата година за да се вклучи во истражување и развој. Тој надгледува околу 15.000 инженери, многу од нив лоцирани во Франција, Италија, Германија и во САД, со растечки тимови, исто така, во Бразил и Индија.
Свртувањето на политиката од страна на Ќуриќ помага да се смират грижите дека можеби ќе биде потешко за инженерите на „Стелантис“ ефикасно да работат заедно на нови автомобили. Компанијата е во средината на амбициозен план за пуштање нови возила, со 25 модели што ќе бидат претставени во текот на годинава.
.webp){kind=icon}
