Во девет блок трансакции со вкупна вредност од 315,2 милиони денари (5,1 милиони евра) денеска на Македонската берза се продадоа вкупно 33.187 акции од „Македонијатурист“ АД Скопје. Станува збор за акции коишто претставуваат 7,34 проценти од од основната главнина на друштвото. Во сите блок трансакции акциите се продадоа по цена од 9.500 денари за акција.
Со истргуваните блокови акции денеска продолжува низата милионски трансакции со акциите на „Македонијатурист“ од изминативе неколку недели. „Блумберг Адрија“ пишуваше дека минатата недела во една блок трансакција на Македонската берза вредна 564 милиони денари (9,1 милиони евра) беа продадени 50.953 акции од „Македонијатурист“ АД Скопје коишто претставуваат 11,27 проценти од основната главнина на друштвото. Акциите тогаш се продадоа по цена од 11.070 денари за акција, којашто е значително повисока од просечната цена по која се тргуваа акциите на компанијата во изминатиов период.
Податоците на Централниот депозитар за хартии од вредност покажуваат дека Соња Бибановска, којшто поседуваше 11,27 проценти од вкупниот број акции во компанијата повеќе не е меѓу акционерите коишто поседуваат над пет проценти од вкупниот број акции. Истовремено, Симеон Павлов, кој поседуваше 5,01 проценти од акциите сега поседува 8,19 проценти од вкупниот број акции.
Прочитај повеќе
Продаден блок акции од „Македонијатурист“ за 9,1 милиони евра
Се продадоа 50.953 акции коишто претставуваат 11,27 проценти од основната главнина на друштвото.
30.10.2024
Тетовската „Изо стоне“ купи 6,62 проценти од акциите на „Македонијатурист“
Тетовската компанија им се придружи на уште пет акционери кои поседуваат над пет проценти од акциите во „Македонијатурист“.
14.10.2024
Продадени акции од „Македонијатурист“ за 2,1 милиони евра, берзата прашува што се случува?
Македонската берза побарала од компанијата одговор дали има необјавени ценовно чувствителни информации кои би влијаеле на цената на акциите.
07.10.2024
Доне Таневски ја зголеми сопственоста во „Македонијатурист“
Претседателот на Надзорниот одбор на „Македонијатурист“ АД Скопје, се стекна со 5.381 обична акција и сега поседува 105.829 обични акции од компанијата.
03.10.2024
Милионски блок трансакции со акциите на „Македонијатурист“ ја размрдаа берзата
„Македонијатурист“ е една од компаниите на Македонската берза што бележат континуиран раст на вредноста на акциите.
01.10.2024
Голем пакет на продажба: Кој ќе плати 7 милиони евра за акции во „Македонијатурист“?
Во пакетот практично се продава 9,83 отсто од основната главнина на друштвото, со почетна продажна цена од 9.800 денари по акција преку моделот „се или ништо“.
12.07.2024
Инаку, „Блумберг Адрија“ пред три недели пишуваше дека тетовската градежна компанија „Изо стоне“ (Izostone) влезе во сопственичката структура на „Македонијатурист“. Според податоците на Централниот депозитар за хартии од вредност, тетовската компанија купила 6,62 проценти од вкупниот број акции на „Македонијатурист“.
Кај останатите поголеми акционери засега нема промени во однос на учеството во сопственоста односно Доне Таневски и понатаму поседува 23,40 проценти од вкупниот број акции на компанијата, „Сава пензиски фонд“ поседува 8,80 проценти од вкупниот број акции и „Македонијатурист“ (10 проценти).
.webp){kind=icon}