„Нетфликс“ (Netflix Inc.) работи на ревидирани услови за преземањето на „Ворнер Брос“ (Warner Bros. Discovery Inc.) и разговарал за можноста понудата за студијата и стриминг-бизнисите на компанијата да биде целосно во кеш, велат лица запознаени со разговорите.
Измените имаат цел да го забрзаат процесот на продажба, кој ќе трае со месеци до неговото затворање и веќе се соочува со отпор и од политичари и од конкурентскиот понудувач „Парамаунт скајденс“ (Paramount Skydance Corp.). Институционалните инвеститори во меѓувреме се поделени во поддршката за зделката.
Според првичниот договор, акционерите на „Ворнер Брос“ требаше да добијат 23,25 долари во готовина и 4,50 долари во обични акции на „Нетфликс“, со одредени корекции доколку акциите на стриминг-компанијата паднат под 97,91 долари. Откако „Нетфликс“ ја започна потрагата по преземање на „Ворнер Брос“ во октомври, акциите на компанијата изгубија околу една четвртина од својата вредност. Во вторникот во Њујорк тие се тргуваа и по најниско ниво, од 89,07 долари.
Прочитај повеќе
„Ворнер брос“ планира да ја одбие понудата на „Парамаунт“ следната недела
И по изменетите услови и гаранцијата од Лери Елисон, „Ворнер брос“ останува резервиран кон понудата на „Парамаунт“, оценувајќи ја како помалку поволна од онаа на „Нетфликс“.
31.12.2025
„Нетфликс“ рефинансираше дел од кредитот на понудата за „Ворнер Брос“
„Нетфликс“ рефинансираше дел од кредитот од 59 милијарди долари за да го поддржи потенцијалното преземање на „Ворнер Брос дискавери“.
22.12.2025
Зетот на Трамп се повлекува и од битката за преземање на „Ворнер Брос“
Фирмата на Џаред Кушнер се повлекува од понудата на „Парамаунт“, а упатени извори веќе тврдат дека „Ворнер Брос“ ќе ги повика акционерите целосно да ја одбијат оваа понуда и да ја прифатат онаа што првично ја даде „Нетфликс“...
17.12.2025
Битката за „Ворнер“: Од речиси завршена работа до пазарен пресврт
„Парамаунт“ го обвини „Ворнер“ дека смислено не се вклучил во ниту еден од шесте предлози за преземање поднесени во последните 12 недели.
09.12.2025
Трамп предупреди дека договорот меѓу „Нетфликс“ и „Ворнер“ може да биде антимонополски проблем
Трамп предупредува на можни антимонополски пречки за реализација на спојувањето меѓу „Нетфликс“ и „Ворнер брос“ и најави дека лично ќе се ангажира за случајот.
08.12.2025
Како договорот меѓу „Нетфликс“ и „Ворнер брос“ го менува Холивуд
Една од главните области од интерес е иднината на кината, со оглед на тоа што тие не се главен механизам за дистрибуција на „Нетфликс“.
06.12.2025
„Нетфликс“ го купува „Ворнер Брос“ за 72 милијарди долари во готово и за акции
Во трка вредна милијарди, „Нетфликс“ е најблиску до преземање на „Ворнер брос“, зделка што би создала медиумски колос со 450 милиони претплатници.
05.12.2025
„Нетфликс“ обезбеди финансирање од 59 милијарди долари од банките на Волстрит за поддршка на аквизицијата, во форма на еден од најголемите „мост-кредити“ (привремени заеми) досега. Од таа сума, компанијата веќе рефинансирала околу 25 милијарди долари преку подолгорочен долг.
„Нетфликс“ има финансиски капацитет дополнително да се задолжи и притоа да ги задржи своите „солидни“ кредитни рејтинзи, напиша во истражувачка белешка во вторникот Стивен Флин, виш кредитен аналитичар во „Блумберг интелиџенс“ (Bloomberg Intelligence).
„‘Нетфликс’ има многу силен биланс со умерено нето-задолжување“, наведе тој.
Откако „Ворнер Брос“ го избра „Нетфликс“ на почетокот на декември, компанијата се соочува со повеќекратни обиди од страна на „Парамаунт“ (Paramount) да ја урне зделката и да ја прифати нивната понуда.
Главниот извршен директор на „Парамаунт“, Дејвид Елисон, и неговиот татко, коосновачот на „Оракл“ (Oracle Corp.), Лери Елисон, поднесоа тендерска понуда за акциите на „Ворнер“, дадоа лична гаранција за финансирање од 40,4 милијарди долари и поднесоа тужба против „Ворнер Брос“, со барање за повеќе детали за нивната процена на трансакцијата со „Нетфликс“.
Тие исто така планираат да номинираат свои кандидати за одборот на директори со цел да ја блокираат зделката.
Акциите на „Ворнер Брос“ пораснаа за 1,6 отсто и се затворија на 28,86 долари во Њујорк, по веста за размислувањата на „Нетфликс“. Акциите на „Нетфликс“ пораснаа за 1 отсто, на 90,32 долари.
.webp){kind=icon}
