Амстердам, Барселона, Париз, Дубаи се само дел од дестинациите кон кои ќе може да се лета од скопскиот аеродорм годинава.Нови дестинации се и Лион и Штутгарт. „Туркиш ерлајнс“ ќе обезбеди и редовна линија Охрид – Истанбул.
Сепак, и во Македонија има места кои вреди да се посетат. Во продолжение се петте вести кои се најважни за денеска, ден пред долгиот празничен викенд.
Македонски скриени места кои треба да ги посетите во 2025-та
Познатата американска онлајн агенција за патувања „Експидија“ (Expedia) објави листа со трендови кои ќе бидат најпопуларни меѓу туристите во годината која само што почна. Списокот кој го базираат на искуства од корисниците покажува дека масовниот туризам ќе се одбегнува како никогаш досега и луѓето ќе се фокусираат на ЈОМО-патувања (од англиски: Joy of missing out), а тоа значи радост да не мора да се биде постојано присутен и во тек со сѐ. Овој концепт на патување ќе ја одбележи 2025-та и според проценките на платформата за приватни сместувања „Врбо“ (Vrbo).
Најпопуларните понуди за ЈОМО-патувања вклучуваат куќи на плажа во мирно опкружување, изолирани викендици покрај езеро и осамени планински вили. Такви уникатни простори отцепени од гужвата се изнајмуваат и кај нас. Атрактивни вили сѐ почесто се градат токму во руралните средини, а стотина такви, кои освен опуштеност овозможуваат и одредено чувство на гламур, се достапни во понудата на Кајак.мк, најголемата онлајн платформа кај нас која нуди алтернативно сместување.
Плаќањата преку мобилни апликации се зголемиле за 50 отсто
Се менуваат навиките на граѓаните и тие почесто плаќаат електронски, а заклучно со третиот квартал лани значително се зголемени трансакциите преку мобилни решенија, покажуваат податоците на Народната банка од доменот на платежната статистика.
„Трансакциите со картички, издадени од домашните даватели на платежните услуги, пораснале за 10,2 отсто по број и за 13,6 отсто по вредност. Овој раст најмногу се должи на високиот годишен раст на бројот на плаќањата во е-трговијата во земјата, кој изнесува 29,2 отсто, како и растот од 8,8 отсто на плаќањата преку терминалските уред ПОС“, наведува НБРМ.
Најголемите победници и губитници меѓу богаташите во 2024-та
Најбогатите 500 луѓе во светот значително го зголемија своето богатство во 2024 година, при што Илон Маск, Марк Закерберг и Џенсен Хуанг ја предводеа групата милијардери до нова пресвртница: комбинирано нето богатство од 10 трилиони долари.
Непоколебливиот раст на акциите на американските технолошки компании одигра клучна улога во зголемувањето на богатството на ова трио, како и на богатството на Лари Елисон, Џеф Безос, Мајкл Дел и ко-основачите на „Гугл“ (Google), Лари Пејџ и Сергеј Брин. Осумте технолошки титани сами по себе добија повеќе од 600 милијарди долари оваа година, што претставува 43 отсто од зголемувањето од 1,5 трилиони долари меѓу 500-те најбогати луѓе според индексот на милијардери на „Блумберг“.
Цената на гасот расте откако престанаа руските испораки преку Украина
Цените на гасот во Европа се зголемија на првиот трговски ден од годината, бидејќи регионот се подготвува за ледени зимски температури без клучен извор на снабдување.
Референтните цени за следниот месец се зголемија за 4,3 отсто до 51 евро за мегават-час, што е највисоко ниво од октомври 2023 година. Испораките на руски гас преку Украина запреа на Нова година откако истече договорот за транзит меѓу двете завојувани нации.
„Ролекс“ ги поскапи часовниците на почетокот од годината
„Ролекс“ (Rolex SA), најголемата луксузна швајцарска марка за часовници, ги зголеми цените на некои од своите најпопуларни модели поради порастот на вредноста на златото во 2024 година.
Компанијата со седиште во Женева, контролирана од швајцарска фондација именувана по нејзиниот ко-основач Ханс Вилсдорф, ја започна годината со зголемување на цените до 8 отсто на некои модели направени од благородни метали.
.webp){kind=icon}
Во моментов нема коментари за веста. Биди прв да коментира...