Во своето видео-обраќање на форумот во Давос, американскиот претседател Доналд Трамп ја обвини ЕУ дека ги таргетира американските технолошки фирми, вклучително и „Епл“ (Apple) и „Гугл“ (Google), со големи казни и правни давачки, нарекувајќи ги „форма на оданочување“.
Оваа борба меѓу САД и ЕУ околу таканаречената Голема технологија (англ. Big Tech) добива на интензитет.
Добро утро! Ова се петте вести што треба да ги знаете на почетокот од денот.
Пристапот на САД кон вештачката интелигенција треба да ја разбуди и Европа
Извршниот директор на технолошката компанија „Просус“ (Prosus), Фабрисио Блоиси, во Давос изјави дека се подготвени да инвестираат во Европа, а потезите на претседателот Доналд Трамп за правење на САД суперсила во сферата на вештачката интелигенција ги нарече „аларм за будење“ на стариот континент.
„Во Давос минатата година главната тема беше како да избегнеме да се движиме пребрзо во поглед на вештачката интелигенција“, изјави тој. „Администрацијата на Трамп го промени наративот во ‘ние ќе се движиме побрзо од било кој друг’“.
Трамп го повика Путин да прифати договор за Украина
Претседателот на САД, Доналд Трамп, го засили притисокот врз Русија да преговара за крај на војната во Украина и се закани со финансиски санкции доколку земјата одбие брзо да го прекине конфликтот.
Во објава на социјалната мрежа Трут (Truth Social), Трамп наведе дека рускиот претседател Владимир Путин треба да постигне договор „наскоро“ или, во спротивно, ќе „нема друг избор“ освен да воведе дополнителни даноци, тарифи и санкции за рускиот увоз во САД, заедно со мерки од „други земји учеснички“.
Руте: Членките на НАТО ќе мора да плаќаат повеќе
Генералниот секретар на НАТО, Марк Руте, во Давос го поддржа ставот на американскиот претседател Доналд Трамп дека сојузниците на одбрана ќе мора да трошат многу повеќе од сегашното.
Трамп предложи нивото на трошење да биде 5 отсто од бруто-домашниот производ – бројка што ниту САД ниту која било друга членка на НАТО не ја достигнува.
„Не можеме повеќе да чекаме“, рече Руте. „Колективно ќе одлучиме подоцна годинава за точната нова бројка, која ќе биде многу повеќе од два отсто“.
Криптоменувачници во регионот - од пионери до искусни играчи
Годината е 2011-та - криптовалутите сѐ уште се во повој, а ентузијастите низ светот се обидуваат да го предвидат нивното влијание врз иднината на финансиите. Во тој момент двајца пријатели во Словенија, Нејц Кодрич и Дамијан Мерлак, решаваат да лансираат платформа што на луѓето ќе им овозможи едноставен, безбеден и регулиран начин за тргување со криптовалути. „Битстемп“ (Bitstamp) е родена.
Денес „Битстемп“ е најдолговечната криптоменувачница во светот, со повеќе од пет милиони корисници во над 160 земји. Од нивните скромни почетоци, тие прераснаа во глобална компанија со 500 вработени во канцеларии во Луксембург, Сингапур, Словенија, Обединетото Кралство и САД.
Успехот со криптовалутите може да ја трансформира долговечноста на мозокот
Стартапот „Бексорг“ (Bexorg Inc) поддржан од криптомилионерот Џејмс Фикел утврди дека мозокот погоден од болести како Алцхајмеровата или Паркинсоновата болест сè уште може да биде функционален и дека на него може да се применуваат лекови, а потоа неговата состојба може детално да се следи и да се мери (од компанијата наведуваат дека активноста на клетките во овие мозоци продолжува, но невроните не испраќаат импулси и поради тоа мозокот не е свесен).
Ова, секако, не е исто како и клиничко испитување, но постои надеж дека тестирањето на свински мозоци ќе заштеди време и пари со тоа што ќе помогне во рана фаза од развојот на лекот полесно да се идентификува кои молекули се вредни за дополнително истражување.
.webp){kind=icon}