Американскиот претседател Доналд Трамп имал долг и многу продуктивен разговор со својот руски колега, изолираниот Владимир Путин. Двајцата лидери се договориле веднаш да почнат преговори за завршување на војната во Украина. Тие се договориле да се сретнат во Саудиска Арабија. Трамп и неделава остана во центарот на вниманието најавувајќи проширување на трговските ограничувања. Тој планира да воведе царини од 25 отсто за увоз на челик и на алуминиум во САД.
Ни Илон Маск, советникот на Трамп, не излегува од радарот. Тој затвора агенции, отпушта службеници, затоа што, како што рече, „без кратење на трошоците, САД ќе пропаднат“. Маск понуди да ја купи компанијата „Опен еј-ај“ за 97,4 милијарди долари. Извршниот директор на „Опен еј-ај“, Сем Алтман, ја одби понудата и рече дека му е жал за Маск затоа што „целиот негов живот е веројатно полн со лична несигурност“.
Илон Маск е доказ дека власта не е којзнае што. На крајот на минатата година тој беше првиот човек во историјата со нето-богатство од над 400 милијарди долари. Лани на сметката додаде 213 милијарди и во еден момент вредеше невидени 442,1 милијарди долари. За еден месец од влегувањето во власта, неговото богатство падна на помалку од 385 милијарди долари.
Богатството на Илон Маск во период од еден месец/Bloomberg
Неделата ја обележи и ненадејната преселба на Лука Дончиќ од Далас во Лејкерс. Оваа преселба се смета за најголема во историјата и нѐ мотивираше да го анализираме овој преоден период, но и да објасниме како американските професионални клубови всушност „тргуваат“ со играчи. Инвестирањето во женскиот спорт е сè попривлечно, а генерацијата зед гледа на бизнисот и спортот на поинаков начин. Зад нас е различен Супербоул во секој поглед, за првпат присуствуваше актуелен американски претседател, а за 30 секунди рекламирање беа платени повеќе од осум милиони долари.
Прочитајте повеќе:
„Е и ППФ телеком“ ја купи СББ за 825 милиони евра
Што им носи излегувањето на „Јунајтед“ од регионот на „Телеком Србија“ и “Е и ППФ Телеком“?
На домашен терен, и оваа недела помина во знакот на револтот поради високите цени на основните производи и намерата на Владата да воведе стара мерка за нивно ограничување.
Советот на странски инвеститори предупредува дека германската криза ги намалува нарачките во македонските фабрики, што ќе значи намален број работници. Тие бараат поддршка од државата, која, пак, ќе треба да разговара и со фирмите што ќе си го бараат назад солидарниот данок што го платија пред две години.
Прочитајте повеќе:
Колку е Македонија подготвена за вештачка интелигенција?
Јалова револуција: Животот на батеријата поважен од вештачката интелигенција
Анализиравме и кој може да воведе четиридневна работна недела и какви се бенефициите од тоа. Ги прочитавме и бројките од ДЗС, кои покажаа дека лани туризмот се вратил на нивоата од пред пандемијата. Од пандемијата остана и навиката за онлајн учење. Ја споредивме Македонија со светот на тоа поле.
Прочитајте повеќе:
Секоја Влада со нов план за почист воздух, ама тој никако да стигне
ЕУ ја враќа кауцијата за амбалажа, кај нас рециклирањето невозможна мисија
Можни ли се прегрупирања во банкарскиот сектор во земјава? Во ексклузивното интервју на Александар Костиќ, претседател на „МК груп“ и претседател на „АИК банка“, за ТВ „Блумберг Адрија“ тој најавува дека планира купување банки во сите земји од поранешна СФРЈ и дека намерата е тие да влезат во групата топ три банки на секој од тие пазари.
.webp){kind=icon}
