„Блумберг Адрија“ ве кани на следната конференција „Back to Business“, која ќе се одржи на 29 октомври 2025 година во Скопје. Нашата годишна конференција има цел да ги ангажира клучните актери во македонскиот бизнис-сектор и високите владини претставници на платформа што ќе навлезе во анализа на економските потенцијали и можности за развој на Македонија. На оваа конференција подетално ќе разгледаме како земјата треба да ги редефинира своите позиции за да го забрза економскиот раст на одржливо ниво, бидејќи досегашните искуства не дадоа импресивни макроекономски резултати. Бројот на места за нашата конференција е ограничен, а можете да присуствувате само ако се регистрирате на овој линк.
Добро утро, ова е прегледот на настаните на неделата.
Ни агресивната кампања ни планот за завршување на војната на Блискиот Исток не помогнаа за американскиот претседател Доналд Трамп да ја добие Нобеловата награда за мир. Добитничка е венецуелската активистка Марија Корина Мачадо. Дали Трамп бил меѓу 338-те кандидати што годинава беа номинирани за наградата ќе се знае по 50 години, а обложувачниците беа на негова страна. Драстична промена во коефициентите за освојување на Нобеловата награда за мир се случи по договорот меѓу Израел и Хамас за условите за ослободување на сите заложници што ги држи палестинската милитантна група во Газа.
И иако наградата му избега во последен момент, сѐ друго што допре Трамп донесе раст. Акциите на пет компании во кои американската администрација купи удел оваа година скокнаа, а најголем пораст од објавувањето на преземањето до денес е забележан кај акциите на компанијата „МП Материјалс“ (MP Materials).
И сагата со царините на Трамп продолжи. Најновите барања на американската администрација до Европската Унија се закана што го поткопува договорот постигнат летоска.
Прочитајте повеќе:
Најголем број македонски компании чекаат над 440 дена за наплата на побарувањата
Зголемена стапка на банкротирани компании во Македонија
Продолжуваат проблемите за францускиот претседател Макрон. И најновиот премиер Лекорну поднесе оставка, но додека трае потрагата за излез од политичката криза, централната банка во земјава објави дека економијата добро ги поднесува ударите.
Светската банка ги зголеми проекциите за македонската економија. Банката прогнозира раст од 3,1 отсто до крајот на годината, што и натаму е многу под оптимистичката проекција на Владата за растот на БДП. Статистика објави дека инфлацијата во септември изнесувала 4 отсто, што е помалку на месечно ниво, но и натаму над проекциите. Анализиравме зошто е скапо кафето и кога пониските цени на какаото од светските берзи ќе се пресликаат на домашните цени на чоколадото. Пишувавме и за ризиците од храната - последната анкета на Европската агенција за безбедноста на храната покажува дека во земјава расте свеста за безбедноста на тоа што го јадеме.
Македонските граѓани и компании од оваа недела можат да извршуваат плаќања во евра кон земјите на Единствената област за плаќања во евра (СЕПА) побрзо и со значително пониски такси. Во процесот се вклучени девет македонски банки. Пишувавме и за намерата на банките во земјава да вложуваат во вештачка интелигенција. И финансиските друштва уриваат рекорди: над 227.000 договори за брзи кредити.
Прочитајте повеќе:
Бродњак од НЛБ за условите на Балканот: Сè додека не се пука, во несовршеноста има вредност
Криптоизмами: Модерен облик на старите финансиски криминали
Златото во еден момент неделава надмина 4.000 долари за унца, а ние ги анализиравме и движењата на цената на среброто, кое иако е во сенка на златото, расте повеќе од него. Во злато се претвора и сѐ што ќе допре „Опен еј-ај“, а анализиравме како Сам Алтман може да предизвика 10-годишна економска криза.
Пишувавме за пазарната капитализација на „Енвидија“ – таа е полуда отколку што мислите - поголема од цели берзи и индустрии. А кога станува збор за вештачката интелигенција, таа веќе ѝ заштедува милијарди на „ЏП Морган“, но директор од финтек-индустријата вели дека никој не е искрен за шокот од неа.
Пишувавме и за истрагата за токените на ФИФА за билети за Светското првенство 2026, како и за Роналдо, кој стана првиот фудбалер милијардер.
.webp){kind=icon}
