Светскиот економски форум (СЕФ) во Давос, кој се одржува под слоганот „Соработка за интелигентна ера“, денеска се отвори со дискусија за најактуелниот настан – инаугурацијата на Доналд Трамп за 47. претседател на САД.
На панел-дискусија за тоа како ќе работи новата администрација учествуваа историчарот од Стенфорд Ниал Фергусон и новинарите Мини Ал-Ораиби, Џерард Бејкер, Зани Минтон Бедос и Сем Џејкобс. Првиот ден вклучува и церемонија на доделување на наградите „кристал“ за лидери во областа на културата, по што ќе следуваат концерт на отворање и форум за инклузија на лицата со посебни потреби.
На овој четиридневен настан ќе присуствуваат голем број шефови на држави, политичари и бизнис-магнати. Како што претходно беше најавено, американскиот претседател Трамп ќе учествува преку видеоврска, а меѓу политичките лидери на форумот се и претседателката на Европската комисија, Урсула фон дер Лајен, и германскиот канцелар Олаф Шолц, како и Клаус Шваб, основач и претседател на Одборот на директори на Светскиот економски форум, Динг Ксуексианг, вицепремиер на Кина, Педро Санчез, премиер на Шпанија, Хавиер Мили, претседател на Аргентина, украинскиот претседател Володимир Зеленски, Кирил Рамафоса, претседател на Јужноафриканската Република, и други.
Прочитај повеќе
Трамп во Белата куќа, песимизам во Давос - пет вести на денот
Инаугурацијата на 47. американски претседател поради студот ќе се одржи во Капитол, но сепак ќе биде токму како самиот Трамп – грандиозна, екстравагантна, луксузна и секако најскапа досега.
20.01.2025
Давос во сенка на стравот од војна и мрачните очекувања за глобалната економија
Светскиот економски форум, институција која ја собира елитата со децении, објави два извештаи пред почетокот на конференцијата во кои се сумира невообичаено високо ниво на песимизам,
19.01.2025
Директорот на „Блекрок“ создава нова генерација на милијардери, побогати од него
Како што Лари Финк го води „Блекрок“ подлабоко кон приватните пазари, тој постојано додава нови милијардери на списокот на гигантот.
04.12.2024
Инвестициски трендови во Давос: Елити, пари и зелена транзиција
Геополитичките несигурности може да влијаат на брзината со која Европа сака да ја поттикне зелената транзиција во изборна година.
20.01.2024
Bloomberg
Годинашниот состанок е 55. по ред, а ќе се фокусира на пет клучни области: преиспитување на растот, индустрии во ерата на интелигенција, инвестирање во луѓе, зачувување на планетата и враќање на довербата.
Пред почетокот на форумот, СЕФ објави два извештаја што сумираат невообичаено високо ниво на песимизам, барем во однос на очекувањата за 2025 година. Истражувањето на водечките економисти покажа дека само 17 отсто од нив веруваат дека глобалната економија ќе зајакне годинава. Од нив, 28 отсто очекуваат стагнација, а дури 56 отсто слабеење на глобалната економија.
Економистите анкетирани од СЕФ идентификуваа две области во кои ќе се случат значителни промени. Глобалната интеграција е нападната, што значи дека фрагментацијата ќе расте во глобалниот економски систем. Тие сметаат дека тоа најсилно ќе се почувствува во трговијата со стоки, потоа на пазарот на трудот, па во технолошкиот сектор и услужниот сектор, а најмалку во финансискиот сектор.
Богатството на милијардерите се зголеми за два билиона долари во 2024 година
И Оксфам (Oxfam), меѓународна организација посветена на борбата против глобалната сиромаштија, нееднаквост и социјална неправда, го објави својот извештај истиот ден кога започна форумот во Давос. Во нивниот извештај „Takers Not Makers“, тие истражуваат како милијардерите и корпоративната моќ ја влошуваат глобалната нееднаквост.
Тие во новиот извештај наведуваат дека екстремното богатство не се стекнува едноставно како награда за исклучителен талент. Поголемиот дел од богатството на милијардерите, од кое се проценува дека 60 отсто е незаработено, доаѓа од наследство, врски со кругови на моќ и монополска моќ. Всушност, секој милијардер под 30 години го наследил своето богатство и, за првпат во историјата, повеќе нови милијардери се збогатиле преку наследство отколку преку претприемаштво во 2023 година, се наведува во извештајот.
Според нив, богатството на милијардерите пораснало дури за два билиона долари (две илјади милијарди долари, н.з.) во 2024 година, трипати побрзо од претходната година, додека бројот на луѓе што живеат во сиромаштија едвај се променил од 1990 година. Во својот извештај минатата година „Оксфам“ предвиде дека светот ќе го има својот прв билионер (човек што ќе има повеќе од илјада милијарди долари богатство) во рок од една деценија, но сега ја промени својата проекција, предвидувајќи дека ќе има најмалку пет, бидејќи богатството на милијардерите се акумулира со сè побрзо темпо.
Оваа организација исто така посочува дека корпоративната моќ ја зголемува расната и родовата нееднаквост, дека корпорациите се тие што создаваат нееднаквост во приходите, не го плаќаат својот фер дел од даноците и дека монополите ѝ даваат на елитата огромна моќ.
.webp){kind=icon}
Во моментов нема коментари за веста. Биди прв да коментира...