.webp){kind=icon}
Трошоците за подготовка на двата германски нуклеарни реактори да продолжат со работа од јануари ќе изнесува дури 100 милиони евра, проценуваат извори упатени во проблематиката. На Европа и се потребни сите капацитети што може да ги добие зимава бидејќи енергетската криза ги исцрпува залихите.
Германскиот министер за економија, Роберт Хабек, до крајот на декември ќе ја донесе конечната одлука за нивното ставање во функција, но генераторите мора да се подготват доколку се продолжи работниот век на единиците, кои всушност требаше да бидат затворени до крајот на годинава во согласност со националниот нуклеарен план.
Bloomberg Mercury
За „EON Isar-2“ се планира еднонеделно затварање од 21 октомври поради ремонт на вентилите. Заедно со трошоците за персонал и техничка подготовка тоа ќе чини околу 50 милиони евра, рече еден од луѓето кои сакаат да останат анонимни бидејќи се работи за приватни информации.
Подготвителните работи во „EnBW Neckarwestheim-2“ ќе чинат слично толку, информира друг извор. И двете компании не сакаат да ги коментираат проценките, но рекоа дека очекуваат надомест за работата без разлика дали на крајот реакторите ќе работат или не.
Според законот што го претстави министерот за економија, што Блумберг го доби на увид, Регулаторот на енергетскиот пазар во Германија треба да одлучи за точниот износ на надомест за ремонтите. Објавата на документите е одложена бидејќи министерот за финансии Кристијан Линднер, кој е на чело на либералната „FDP“ во владината коалиција, се залага за уште подолга употреба на нуклеарната енергија, до 2024 година.
Постоеше јасен договор меѓу владата да се усвои тој закон, меѓутоа е суспендиран поради политичките неусогласувања, рече портпаролот на Министерството за економија.
Германија има три активни реактори. „RWE AG Emsland“ е подготвен за трајно затварање до крајот на годинава.
