.webp){kind=icon}
Европската централна банка (ЕЦБ) утре ќе изврши уште едно зголемување на каматните стапки во борбата против инфлацијата, а аналитичкиот тим на „Блумберг Адрија“ прогнозира дека по состанокот на Извршниот одбор на банката стапката ќе се искачи на два отсто за првпат од 2009 година, кога ЕЦБ реагираше на негативните последици од светската економска криза.
„На утрешниот состанок на ЕЦБ гледаме зголемување на стапката од 75 базични поени, што е широко распространето очекување меѓу аналитичарите и пазарот поради големиот број на коментари од претставниците на банката во последните неколку недели, кои ја изразија потребата од дополнително затегнување на монетарната политика до ова ниво“, смета Адреј Кнез, главниот аналитичар на „Блумберг Адрија“.
Ова би ја покачило стапката на депозити на 1,5 отсто, а стапката на главните операции за рефинансирање (MRO) ќе се зголеми на 2 отсто од 1,25 отсто.
Минатиот пат, кога референтната каматна стапка беше 2 отсто, невработеноста во еврозоната беше за 2 процентни поени повисока од денешната. На крајот на 2008 година, бројот на невработени во еврозоната изнесуваше 8,6 отсто, додека овој удел сега е помал и изнесува 6,6 отсто. Тоа би требало да значи дека ЕЦБ е во малку полесна ситуација од тогаш.
Од аналитичкиот тим на „Блумберг Адрија“ посочуваат дека иако последните макроекономски податоци покажуваат знаци на слабост, сепак тие не се доволна причина за да ја оттргнат ЕЦБ од уште едно големо покачување.
Според нашите аналитичари, покрај самата одлука за стапката, на утрешниот состанок функционерите на ЕЦБ ќе се фокусираат и на потенцијални потези во однос на управувањето со вишокот ликвидност во еврозоната.
Андреј Кнез / Bloomberg Adria
„ЕЦБ се соочува со плаќање на значителна камата на банките за чување на вишокот готовина кај нив, нешто под 4,7 илјади милијарди евра. Затоа се пореално станува враќањето на мултипликаторот, како следен голем чекор на централната банка“, нагласува Кнез.
Квантитативното затегнување е нешто за кое нашиот аналитички тим не очекува дека овојпат дефинитивно ќе се одлучува.
„Немаме конкретни очекувања особено со оглед на сигналите од претставници на ЕЦБ дека стабилизирањето на каматните стапки на неутрално ниво (т.е. онаму каде што тие подиректно дејствуваат против инфлацијата) е очигледен предуслов“, вели Кнез.
