Германските компании очекуваат стагнација оваа година наместо дополнително влошување, што ги прави помалку песимистични отколку што беа есеноска, покажуваат резултатите од најновото истражување на лобито за индустрија ДИХК (DIHK).
„Добрата вест е дека германската економија успеа да избегне крах. Наместо длабока рецесија, можеме да очекуваме повеќе странично движење“, рече управниот директор на ДИХК, Мартин Ванслебен, на денешната прес-конференција во Берлин.
Истражувањето спроведено на околу 27.000 фирми од сите сектори и региони на најголемата европска економија покажа дека 16 проценти од нив очекуваат подобрување на својот бизнис во наредните 12 месеци, што е повеќе од осум отсто, колку што имаа таков став во претходната анкета, спроведена во ноември. Сепак, мерачот на очекувањата е сè уште на негативна територија од дури минус 14, далеку под долгорочниот просек од плус пет.
Резултатите се во голема мера во согласност со најновите прогнози на германската влада, според кои економијата ќе избегне пад оваа година и ќе забележи раст од 0,2 проценти. Поради целосната инвазија на Русија врз Украина од минатата година и последователниот пораст на цените на енергијата, земјата беше на работ на рецесија.
Bloomberg Mercury
Речиси три четвртини од анкетираните компании ги наведоа цените на енергијата и суровините како најголема закана, а следува континуираниот недостиг од квалификувани работници. Друг проблем со кој се соочува германската индустрија е американскиот закон за намалување на инфлацијата, пакетот климатски мерки и субвенции, што се заканува да ги намами компаниите далеку од Европа.
Ванслебен рече дека е факт дека субвенциите се дизајнирани да го промовираат производството во САД и тоа е огромен проблем и ги одразува политиките на администрацијата на Бајден - „Америка на прво место“.
„Како извозно ориентирана нација, живееме од тоа да можеме да го снабдуваме светот“, додаде тој.
.webp){kind=icon}
