Русија може повторно да воведе делумна контрола на капиталот за да спречи рубљата да падне на нивоа што не се забележани од почетокот на војната во Украина.
Според анонимни извори, на состанокот на владата и извозниците во понеделникот се разговарало за предлогот да се нареди продажба на заработката од извозот, пред Банката на Русија да објави итно зголемување на каматните стапки. Изворите посочуваат дека не бил постигнат напредок и дека може да се одржи уште една средба во текот на неделава.
Банката на Русија ја зголеми референтната стапка на 12 отсто од 8,5 отсто во вторникот, откако рубљата накратко се урна на 100 во однос на доларот за првпат од март минатата година. Присилната продажба на заработката од извозот, заедно со другите мерки, како што се ограничувањата на банкарските трансфери во странска валута, помогна да се спречи падот на рубљата по почетокот на војната.
Прочитај повеќе
Русија итно ги зголеми каматите по силниот пад на рубљата
Централната банка на Русија нагло ги зголеми каматните стапки на вонредeн состанок.
15.08.2023
Рубљата во незапирлив пад, ја проби границата од 100 рубли за долар
Не помогна ниту потегот на руската централна банка, која се обиде да го запре падот со суспендирање на купувањето девизи на домашниот пазар до крајот на годината.
14.08.2023
Рубљата зајакна по зголемувањето на стапката, но сè уште е меѓу трите најлоши валути од економиите во развој за оваа година, со загуба од околу 25 проценти. Без дополнителни мерки, како интервенции на централната банка или задолжителна продажба на приходи од извоз, може да поминат неколку месеци пред рубљата навистина да закрепне, според Софија Донец, економистка во „Ренесанс капитал“ (Renaissance Capital).
Bloomberg
Имајќи предвид дека голем дел од резервите на централната банка се веќе замрзнати поради санкциите, официјалните лица нема да сакаат да влезат на девизниот пазар преку директна интервенција.
Што вели „Блумберг економикс“...
„Причините за падот на рубљата се домашни и немаат многу врска со шокот на капиталната сметка, за чие решавање најмногу одговара контролата на капиталот. Капиталните ограничувања исто така ќе ги оштетат новите синџири на снабдување што Русија се обидува да ги изгради за да ги избегне санкциите“.
- Алекс Исаков, руски економист
Во последните месеци руските извозници продаваат повеќе од 80 отсто од својот приход на пазарот, покажуваат податоците на централната банка. Гувернерката Елвира Набиулина во јули изјави дека Банката на Русија внимателно ја следи продажбата на девизи од извозниците и дека само еден процент од вкупниот приход останува надвор од земјата.
.webp){kind=icon}
