.webp){kind=icon}
Политичките турбуленции во Италија доаѓаат во време кога Европа се бори со енергетската криза предизвикана од Русија, која го намалува извозот на гас во време на воената инвазија во Украина, што ги потттикнува стравувањата од рецесија. Европската Унија, чии индустрии се во голема мера зависни од рускиот гас, ја намали прогнозата за раст за 2023 година во новите проекции.
Фјучерсите на италијанските обврзници и акции паднаа на најниско ниво вчера вечерта, а еврото повторно падна под паритет со американскиот долар по веста за понудената оставка од премиерот Марио Драги. Септемвриските фјучерси на 10-годишниот италијански државен долг паднаа под 122, најниско од јуни и под нивниот движечки просек од 21 дена.
Bloomberg Mercury
„Пазарите ја рефлектираат нестабилноста што трае веќе некое време“, рече Мартина Кароне, политички аналитичар за „Јутренд“ (YouTrend). „Дури и ако Марио Драги стана жртва на политичките шаховски игри во Италија, кој би можел да биде имун од тие игри?
Повлекувањето на Драги може да ги доведе во прашање реформите кои се во насока да се зголеми искористувањето на европските фондови наменети за закрепнување на ранливата економија.
А ранливоста на Италија се покажа уште минатиот месец кога стана јасно дека Европската централна банка ќе почне да ги зголемува каматните стапки, па приносот на италијанските државни обврзници скокна над четири проценти за прв пат од 2014 година. Така, ЕЦБ се најде во незавидна позиција да мора да ја ограничи инфлацијата со зголемување на каматните стапки, а во исто време да внимава на таканаречената фрагментација во однос на приносот на италијанските обврзници кој не треба да дивее во споредба со референтната германска обврзница.
Ако Европската централна банка треба да ги зголеми каматните стапки поагресивно, трошоците за позајмување за Италија може да станат неодржливи. Доколку каматните стапки се приближат до три проценти, долгот на Италија „може експлозивно да порасне“, предупредуваат економистите од „Блумберг економикс“.
Главниот економист на „Блумберг Адрија“, Андреј Кнез, вели дека политичката криза во Италија е фактор што може да доведе до дополнителни проблеми.
„Тоа може да значи раст на приносите на обврзниците, пад на индексите на акциите, но и дополнително слабеење на еврото. Тоа е негативно и за нашите земји односно земјите од регионот Адрија, особено затоа што сите имаат значајни трговски врски со Италија. Единствено некаква промтна реакција во еврзоната или некаква мерка од Советот за економски и финансиски прашања на Европскиот совет, за стабилизација на италијанскиот јавен долг може да ја ублажат финансиската нестабилност, вели Кнез.
Andrej Knez
Италија е меѓу десетте најголеми трговски партнери на Македонија. Во периодот од јануари до мај вкупниот обем на размената изнесува околу 321 милион евра, што е за над 32 отсто повеќе од истиот период лани. Во петте месеци годинава во Италија сме извезле стоки вредни 132 милиони евра и тоа е за околу 60 отсто повеќе од минатата година. Увозот е околу 189 милиони евра.
