Производителите на автомобили регистрираа најмалку нови возила во Европската унија од 1996 година, бидејќи постојаните проблеми во синџирот на снабдување и рекордната инфлација ја погодуваат индустријата.
Продажбата на нови автомобили во ЕУ и во четири други држави следена од Европската асоцијација на производители на автомобили падна за 17 проценти на 1,07 милиони единици минатиот месец, се вели во соопштението. „Фолксваген“ (Volkswagen AG) беше најтешко погоден меѓу големите производители на автомобили, со пад на регистрациите за 26,1 проценти споредено со минатата година.
Иако повеќе производители минатиот месец соопштија дека недостигот на полупроводници почнал да се намалува, потребно е време за какво било зголемување на производството да дојде до салоните. Производителите се занимаваат и со трошоците за суровини и енергија, кои придонесуваат за зголемување на цените на возилата.
„Индустријата нема да ги надмине ограничувањата во снабдувањето во скоро време. Загриженост се јавува и во однос на побарувачката, која ослабе во последниве месеци бидејќи економските изгледи се влошија.“, соопштија од „ЛМЦ Аутомотив“ (LMC Automotive).
Продажбата на големите пазари, вклучувајќи ги Германија и Велика Британија, може да се врати на раст овој месец поради ниската споредбена основа од пред една година, според „Блумберг интелиџенс“ (Bloomberg Intelligence). Иако тоа сугерира дека индустријата има шанси да ја прекине 12-месечната серија на последователни падови, ќе биде тешко да се надоместат загубите во производството во текот на првата половина. ЛМЦ аутомотив сега проценува дека испораките на патнички автомобили во Западна Европа ќе се намалат за 6,3 проценти оваа година на 9,92 милиони единици. Во јануари, овој истражувач на пазарот предвиде дека продажбата ќе порасне за речиси 9 проценти.
Прогнозирањето на побарувачката останува тешко поради ризикот да се влоши недостигот на енергија. Главниот канал за рускиот гас до Европа неделава прекина со снабдување поради одржување, а Берлин и неговите сојузници се подготвуваат претседателот Владимир Путин засекогаш да го прекине протокот како одмазда за санкциите и поддршката за Украина.
„Зголемениот страв што се развива се однесува на потенцијалното затворање на погоните во Германија поврзано со недостиг на енергија“, напиша Том Нарајан, европски авто-аналитичар на „РБЦ Капитал Маркетс“ (RBC Capital Markets) во извештајот од 5 јули.
Загриженоста е повеќе поврзана со синџирот на снабдување (хемиските фабрики во Германија го затвораат производството на пластика што се користи за автомобилски компоненти итн.).
Производителите на автомобили компензираат за изгубениот волумен со наплата на повисоки цени и фокусирање на нивните најскапи и најпрофитабилни модели. Но, со зголемувањето на инфлацијата и намалувањето на трошоците од страна на потрошувачите, таа стратегија е доведена во прашање.
„Ние сме малку претпазливи околу изгледите следната година. Светот ќе остане нестабилен. Тоа е нашата претпоставка, затоа мора да бидеме малку претпазливи“, рече главниот извршен директор на „Фолксваген“, Херберт Дис во интервју минатата недела за телевизијата „Блумберг“.
.webp){kind=icon}
Во моментов нема коментари за веста. Биди прв да коментира...